محاوره مع عبدالله الغازي

سعد المحمدي

سلام تسليمت المسلم على اخوانه=وخلافها ناخذ الشعار مـن دانـي
اشوف عبدالله الغازي على احصانه=يمرنا والقـدم ياحـرب حفيانـي

عبدالله الغازي

يا مرحبا فيـك والشعـار تعبانـه=الله يسلط عليها الذيـب سرحانـي
خيلي ورمحي وكم شلتك على سنانه=انته سعد منت فـارس لا تحدانـي

سعد المحمدي

دام البقى والهرم من طيب سيسانه=وبعض السواليف يارجال مجانـي
البايره مالها فـي سوقنـا خانـه=رفعت عنها مع الاجـواد نيشانـي

عبدالله الغازي

انا اشهد انك تبالك فك وصيانه=من حيلة الانقليز لحيل الافغاني
اتجيبها فاضيه وتروح مليانـه=اهم حاجه على لاحي وليحاني

سعد المحمدي

الناس من ثوبك المسروق زعلانه=منته كفو تلبسه صح الله الساني
العود لعماك تـال الليـل دخانـه=اصبر على ماجرالك سر وعلاني

عبدالله الغازي

اثرك من يلحس المشهاب بلسانه=وليا نشدناه قال بليس وصانـي
لا تكسي ابو شنب والبنت عريانه=والراس مافوقه الا عرش بدراني

سعد المحمدي

الصدق يزعلك يوم انجيب برهانه=لقيت تمر العرب من كل الالواني
الراس مافوقـه الا الله سبحانـه=وعلومك الباقيه من دون برهاني

عبدالله الغازي

يزعلني اللي تعقد الناس حجانـه=ادوين ما يعرف القاصي من الداني
الظاهر انك ضحية نـادل الحانـه=اللي يدفك من الاول على الثانـي

سعد المحمدي

البيت مايندخل مـن دون بيبانـه=يالسني اللي لبسله ثوب علماني
حطيت راس القلم في ساحة الدانه=وسمعت صوتك تغير يالعريبانـي

عبدالله الغازي

اعلـوم زانـه وحريـه وزنـزانـه=ما نعرف المدعي من حضرت الجاني
يا دان دانه منعـرف ديـن لديانـه=و الخاتمه روح لا تزعل على شاني

سعد المحمدي

علومنا طيبه والنفـس طربانـه=لاتغطي الراس دام الجسم عرياني
راحة علومك سوالف ناس سكرانه=حظي بري مانقول افلان سكراني

الله الله الله
محاورة رائعه صحت السنتكم

صحة السنتكم جميع
الله يعطيكم العافيه

صح السانك ولسان زميلك

صح لسانك ابو تركي ولسان عبدالله الغازي الله يعافيكم

ابدعتم ابناء العمومه

الله اكبر
صح لسانك يبو تـــركي مبدع

لعبت معك يبو تركي اكثر من عشرين طاروق ما اذكرك نقلت منها شي غير هالطاروق وش الحكمه