سلام ياقصرً على الطيب صُمم الى الشاعر القدير ( محمد عبدالله البدراني )

	المشاركة الأصلية كتبت بواسطة محمد عبدالله البدراني

	المعذره يابو ماجد على التاخير واليك ردي المتواضع راجيا ا ن ينال الاستحسان حي الهجوس اللي لفتنا ترازم = عداد مايهمل من المزن هتان من خاطرٍ مرتاح والله يعلم = يفرح بمن جاله ولاهو اْبلشان والشعر له عندي مكانه ومعلم = له بالخفوق احقوق معنى وبنيان ان مادعاني جيت يمه ومن يم = نزعب ولاني في قوافيه بحلان اغوص غباته ويارد على جم = عدٍ رهاوي ماهرٍ فيه باتقان ولي عزوةٍ انعم بهم من بني عم = حرب الحرايب سعد من جو له اعوان سقم الضديد وللخوي دوم بلسم = حنا هل النخوات في كل الاحيان خوينا والضيف يكرم ويحشم = واللي ايتحدانا على طول خسران تاريخنا ناصع بالامجاد تمم =من عهدنا الاول الى عهدنا الآن نوف الحقوق وعندها مانتلعثم = ناخذ ونعطي حق من دون نقصان وحي التحيه من كريمٍ ٍ مكرم = اللي بعثها لي بمسكٍ وريحان مع جوهر المعنى بقافٍ منظم = يسوقها فايز واغني بها الحان من بينا تبقى وانا قول له تم = باللي يبيه ان ساعف الوقت وان شان والله فلا اسفه واحدٍ لي يزهم = بالقاف والمعنى ومن كاينن كان لاشك ابو ماجد حشيمٍ محشم = من العزوة اللي للفخر دوم نيشان اللي فعايلهم اتنومس وتعلم = خطلان الايدي في كل حزه وميدان هم معدن النخوه وللطيب منجم = والمدح يزهي للمعابيد ويصان اهل الوفا والطيب واهل المكارم = نعمٍ ٍ بهم وانعم بفايز كحيلان واختامها اللهم صلي وسلم = على النبي المصطفى نسل عدنان

الله الله

صح لسانك يابو عبدالله ملياررررررررررررررر

والله ونعم كفيت ووفيت يالوافي وبيض الله وجهك

وردك جزل وماهي غريبه على شاعر مثلك وشرواك متمكن من الحرف
وقدحتها من راس مطنوخ بيض الله وجهك مره اخرى

وشكرا على الرد اللي ينومس

ولاخلى ولا عدم منك ياذيب