سلام ياقصرً على الطيب صُمم الى الشاعر القدير ( محمد عبدالله البدراني )

	المشاركة الأصلية كتبت بواسطة فايز المحيسن

	ياهاجسي هيا معانا تولّم = باغيك في طرقه نقضي بها شان مادام حرفي فالحنايا يتدإحّم = وانا على عجله وبالحيل عجلان يهمنا كيف الجزاله مع الكّم = انقا جزال القول لولو ومرجان ماهو على ماقيل جيت اتعلّم = فارس مجرب في ميادين فرسان لاقلت حربي قالت الطايله سّم = في عزوتي مسروح مع سالم اخوان عمري لنا محزم على الطيب نعزّم = ومعبدي لاثار فالجو دخان عسكر بارود اثقال مزننً تردّم = وقت الطلب نقدم على الموت بجنان هذي خصال فحرب تجري مع الدّم = يشهد لنا حاضر وتاريخ جدان اليا قطعنا عهد نوفي ونلزّم = اقلوبنا بيضاء وننسب فعدنان هذا ترى موجز ومن شان يعلّم = اللي لفانا محترم جوف الاعيان يارد على عدً رهاوي كزمزّم = ونعامله بحسان مع مر الأزمان واللي لفا للقصر ناوي يهدّم = يقتش من سيلً طمر فوق حدان ومن بعدها مني تحيه وسلّم = من طيبها ترجح على كل ميزان سلام ياقصرً على الطيب صُمّم = له الكرم والجود رمزن وعنوان مزبان للمظهود ولافيك يظلّم = لهل العدل مدهال ياقصر بدران وسلام ياجعلك لنا دوم تسلّم = من كل مكروهن ومن كل عدوان نعمين ياحربي ونعمين ونعّم = اقولها من خاطري لك نشطان ماني مجامل لك بالرب نقسّم = تستاهل الجزلات ياضلع ورقان وختامها صلات ربي وسلّم = على نبيً بلغ الناس بحسان

المعذره يابو ماجد على التاخير
واليك ردي المتواضع راجيا ا ن ينال الاستحسان

حي الهجوس اللي لفتنا ترازم = عداد مايهمل من المزن هتان
من خاطرٍ مرتاح والله يعلم = يفرح بمن جاله ولاهو اْبلشان
والشعر له عندي مكانه ومعلم = له بالخفوق احقوق معنى وبنيان
ان مادعاني جيت يمه ومن يم = نزعب ولاني في قوافيه بحلان
اغوص غباته ويارد على جم = عدٍ رهاوي ماهرٍ فيه باتقان
ولي عزوةٍ انعم بهم من بني عم = حرب الحرايب سعد من جو له اعوان
سقم الضديد وللخوي دوم بلسم = حنا هل النخوات في كل الاحيان
خوينا والضيف يكرم ويحشم = واللي ايتحدانا على طول خسران
تاريخنا ناصع بالامجاد تمم =من عهدنا الاول الى عهدنا الآن
نوف الحقوق وعندها مانتلعثم = ناخذ ونعطي حق من دون نقصان
وحي التحيه من كريمٍ ٍ مكرم = اللي بعثها لي بمسكٍ وريحان
مع جوهر المعنى بقافٍ منظم = يسوقها فايز واغني بها الحان
من بينا تبقى وانا قول له تم = باللي يبيه ان ساعف الوقت وان شان
والله فلا اسفه واحدٍ لي يزهم = بالقاف والمعنى ومن كاينن كان
لاشك ابو ماجد حشيمٍ محشم = من العزوة اللي للفخر دوم نيشان
اللي فعايلهم اتنومس وتعلم = خطلان الايدي في كل حزه وميدان
هم معدن النخوه وللطيب منجم = والمدح يزهي للمعابيد ويصان
اهل الوفا والطيب واهل المكارم = نعمٍ ٍ بهم وانعم بفايز كحيلان
واختامها اللهم صلي وسلم = على النبي المصطفى نسل عدنان