كان من فوق رمشي ويتمش الهوينه

واعذاب المعنى بين حبٍ وفاقه=بين شوف الحبيّب والظروف اللعينه
احسب انّا نكلنا عن دروب العشاقه=اثر جيش الموده بالعروق الدفينه
كيف غرو ٍمدلل ساقنا في مساقه=كيف فينا تحكم لين صرنا رهينه
ان قطعنا وصاله زاد فينا اشتياقه=وان وصلنا جنابه جنّبتنا السكينه
ولو لبسنا ثياب الصبر طاقه وطاقه=ايتلخبط كياني من حجاجه وعينه
من يرد الهواوي قبل لاتجيه عاقه=من يرد الهواوي قبل يرثع بدينه
اشهد انّا وقعنا بين جهل وحماقه=عقب كنّا نوصّف بالتقى والرزينه
عقب ماكنت اسبّح بالمسا وانفلاقه=من نشيد ابورسلي قمت اجر اللحينه
لاذكرت الزمان اللي مضى والصداقه=عود القلب يرجف مثل رجف المكينه
والا قول اليمامه يوم تشكي فراقه=كان من فوق رمشي ويتمش الهوينه
قلت مثل اللي قالت بعد قطع العلاقه=كان في وسط قلبي راتعٍ في حنينه
وصار مالي جداتٍ كود نزع الطباقه=حبر الاقلام بلسم من تكشّف كنينه
والنهايه محمد لاتيبّس رماقه=ادعوا الله يبيحه ثم عزوا ضنينه
واغرسوا فوق قبره وردتينٍ بباقه=علّ ربه يكفّر مامضى من سنينه

كلام حلو
سلمت.

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

إبداع من شااااعر الابداع
ولايستغرب هذا الابداع من شاعر بحجمك
وموهبتك الشعرية .... صح لسانك ملايين
وتقبل تحياتي

تكفيني الذكرى

وانت تسلم

شكرا على مرورك

الحب الباقي

صح بدنك واشكرك على مرورك....

فهد بن غانم

صح بدنك واشكرك على مرورك وتعليقك...

ابوفياض النويمي

صح الله بدنك يالذيب

اعجابك وثنائك اعتز فيه

شكرا لك