حضرّ هنا يا عزوتي يا بخيتان 000000000

سلام لكن قبل ردّ السلامي=حضرّ هنا يا عزوتي يا بخيتان
حضرّ هنا والنور يجلى الظلامي=والبيت ما يبنى على غير سيسان

الله الله يا ابوعلي صح لسانك وبنتظار الابدع .

	المشاركة الأصلية كتبت بواسطة حفيد الحجيري

	سلام لكن قبل ردّ السلامي=حضرّ هنا يا عزوتي يا بخيتان حضرّ هنا والنور يجلى الظلامي=والبيت ما يبنى على غير سيسان

صح لسانك يابو علي والسموحة على التاخير

يا مرحبا لبيه يابن الكرامي=حسب الوعد ناتي لداعي كحيلان
جيتك وانا سامي ولبيت سامي = ومجودين الساس مع طول الازمان

دام البقا يا مسندي يا حزامي=عدد مخاليقه من الإنس والجان
العلم أبي خوتك والدرب شامي=سدّ النفوذ وسدّ الاردن وعمّان

يامن على درب الوفا حر حامي = والطيب يلقى بك مع الناس مزبان
جيتك وانا خوتك غاية مرامي = دايم على الحروة لخوتك نشطان

ذي هقوتي في حرب والا سلامي=ما خابت الهقوات فالطير شيهان
أسمع هناك الوضع بلحيل حامي=رغم البراد اللي ينسنس في لبنان

صح لسانك يابو علي يالشاعر حفيد الشاعر

وصح لسان ابو محمد شاعرنا وطاروق رائع

أسمع هناك الوضع بلحيل حامي / الله يعينهم يابوعلي .

ماخيبّ الهقوة رفيع المقامي = ولاتعتلي هامة بها الظن خيبان
فالشام ياكم ارتوى حي ضامي = وأنا على ذاك الروا حيل شفقان

صحت السنتكم شعرائنا

على هذا الطاروق الذي اندمج به الأبداع والجزاله

فجمع لنا حفيد الحجيري وبخيتان البشري

والله يقويكم يابني عمي

واصلو وحنا متابعين

ودي وتقديري لكم

صحت السنتكم جميع