اشغلت بالي وقت وانا مدورٍ حل

مساكم الله بالخير واسعد الله جميع اوقاتكم

اشغلت بالي وقت وانا مدورٍ حل = والعقل تعبته من اول بتفكير
المشكله لازم تجي هي بالاول = من كبرها تسرح بهالناس وتحير
الوله دنياك وان قلت لي ول = ادري معروفه بس ببدابها غير
مهما ملكت بدنيتك لازم تضل = كنك بقاع اشجار وملزوم بالسير
ولو غايتك منهااكل شربٍ وظل = ملزوم تبدا عقبها بالمشاوير
اما طريق لجنه الورد والفل = والا لنار بردها ويل وسعير
تغانم الدنيا بالاحسان واعمل = لعمل ليوم الشر يفصل عن الخير
اد الزكاه ولا دعى مذنك صل = واحرص عليها دايم بدون تاخير
واخذر مجالس من بهالناس تاكل = تنهش بعضها نهشه الحر للطير
لا فاضت عيون المخاليق وابتل = خد الكبير وحرمته ومنهو صغير
من بعد ثوب كان كاهي ومخمل = اكفان بيضا هي لك الللبس بتصير
ما ينفعك قوله اياليت ولعل= ما ينفع الا دعوه الناس بالخير
واسلك طريقك وما بها شك تاصل = درب الرسول مبشر الخلق تبشير

وسلامتكم

بارك الله فيك والله يعطيك العافيه يا العاني...

صح لسانك اخوي العاني

بيض الله وجهك على القصيدة الجزله والرائعه

العاني
صح لسانك واعتلا شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

صح لسانك اخوي العاني

وبيض الله وجهك

قصيدة رائعه

صـح لـســانـك .. و علا شــانــك ..

كــلام جـمـيــل .. و إحـســاس أجـمــل ..

تـسـلـم اخــويــ .. و يـعـطـيــك العـافـيــه ..

صح لسانك اخوي ..
وبيض الله وجهك ..
قصيده جميله وموضوعها أجمل ..
ربي يعطيك العافية ...

صح لسانك على الابيات الرائعه

وبيض الله وجهك

شآكر ومقدر مروركم اخواني لا عدمناكم وصح الله ابدانكم

الشاعر الرائع العاني

صح لسانك الف مره وبيض الله وجهك

بالتوفيق ان شاء الله