الطيبه يبقى لها الطيب تذكار ... وكلمة كفو ما كل طيب لقاها

السلام عليكم و رحمت الله و بركاته

هذه القصيده القيت في محفل من محافل ولد سليم احتفاءا بالشيخ عبدالكريم بن رباح ابن مطلق السليمي امير مركز البعائث وبحضور العديد من مشايخ و اعيان حرب و ابن رباح يستاهل الناموس والعلم الغانم

يـــامـــرحـــبــــــا ترحيب وقفه ومقدار= ترحيـبت(ن) يطرب لها من نـصـــاهــــا
يامرحبا وعداد هــمــــال الامــــطـــــار = وعـــــد النجوم الـــــي تضوي سماهـــا
وعداد مايكتب مـــن حروف واشــعـــار= وعداد من صلى الفروض وقـضــاهـــا
اقولها مــن قلب واجهر بـــهــا اجـهــار= ويشوش راســــــي يـــوم لجلج صداها
حـيـاكــــم الله عــنـــد وافين الاشــبـــار= بـــاســـم الرجال الــــــي وصلني نباها
ربـــعـــــي هل الطالات والمجد والكار= اللابه الــــي عـــالــــــــي(ن) مستواها
حــــنـــا الرديهات الميامين الاحـــــرار= يشهد لها الصــاحـب وتشهد عــــداهـــا
اقــــف لهم مافيه صـــــــده ومـعـــــذار= وان مــــاوقفت لحفلهم وش وراهـــــــا
لا والله الا اقـــــف وارحــــب ولا احتار= واصــــخــــر الــجـــزلــــه وتلقى ثناها
ولاكثرت اوجيه الضغاين والاشـــــرار= اقـــــــدح شرارتها واسمي عــــلاهــــــــا
ســــمــــي جــــدي مـــا تهيبت الاخطار= اقـــــف لـــــــلازم لابتي واتـــبــاهـــــا
واليوم في حضرت طويلين الاعـــمـــار= اشيوخنا الـــــــــي محتوينا ذراهـــــــــا
هــــــلــت مزون الشعر مدرار مـــدرار= مـــــن مـــابـــهـــــا تزاحمت في سراها
ايــــلـــوح بارقها وسمت على الـــــــدار= اتبرهج الضميا وتقطع ضــــمـــاهـــــــا
ياشيوخنا الـــــــي دوننا درع وســتـــار= امجادكم عبر الـــزمـــن مــــن نـسـاهـا
انـتـم هـــل الوجهه بعيدين الانـــظــــار= ريــــــف الدخيل اللي يذري حـــمــاهـا
واخــص شيخ(ن) بالوفاء عطر الاذكار= سيرته بــالامــجــاد كـــل(ن) قـــراهـــا
ابــــــن ربـــــاح الـــي لــه الطاله شعار= راع الفعول الــــي بعيد(ن) مـــداهـــــا
انـــــــــا اشهد انك كفو يانسل الاحرار= يـــابــــن الرجال الـــــي ينومس نباها
والطيبه يبقى لـــــهــــــــا الطيب تذكار= وكلمة كـــفـــو مــــاكــــــل طيب لقاها

الشاعـــر/ ابراهيم بن محمد بن ابراهيم السليمي.

الاخ والشاعرا براهيم السليمي

صح لسانك وبيض الله وجهك

على القصيده الجزله من شاعر جزل

والنعم بالشيخ عبد الكريم ابن رباح

والنعم في ولد سليم والنعم في حرب عامه
تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

اخوي ...براهيم السليمي
صح لسانك والله يبيّض وجهك ...والله وسبعين نعّم فيكم كلكم
انتم اهل العلوم الطيبه والصفات الحميده
اجزلت في قصيدتك ....وأنت تقدر تصوغ القصيده بحروف الذهب .واٍبن رباح يستاهل

تحياتي وتقديري لك

ونعم بالمادح والممدوح


وكفووو ابن رباح وباهل الميحا كلهم


ومليون صح السانك
وعلا شانك


لاعدمناك


تحيتي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر القدير:إبراهيم محمد السليمي

صح لسانك ياولد العم وبيّض الله وجهك

انت كفو وعلمك غانم وابو رباح يستااااهل المدح

صح لسانك مرةٍ أخرى وأخرى وأخرى

تقبل مروري

الشاعر القدير:إبراهيم محمد السليمي

صح لسانك ياولد العم وبيّض الله وجهك

انت كفو وعلمك غانم وابو رباح يستااااهل المدح

صح لسانك مرةٍ أخرى وأخرى وأخرى

تقبل مروري

الشكر كل الشكر للاخوه الي اتحفوني بردودهم و تعليقاتهم اللي اعتبرها وسام ع صدري والطيب لا يستغرب من اهله



تقبلوا خالص امتناني

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك