ديوان نفح الطيب ا لكسرات العطيب

العطيب=
ياناس نادو لـي السينـات=ســـــوأل ومـوجــهــه يـــمـــه
دامه مراقب على الكسرات=ابي خبـر عـن ولـد عمـه؟
السينات=
يا مرحبا وابرك الساعـات=يللـي مـا أحـد فالمـلا ذمـه
هات الذي في جرابك هات=واللـي فـي بالـك لنـا سمـه
العطيب=
شاعـر ورايـع لـه ابداعـات=عــذبٍ بقـافـه صـفــا جـمــه
ياكيف ما يحمل الشارات؟=الـلــي تـنـبـي عـــن الـقـمــه
السينات=
أحيان للـواو تشريعـات=تغنيـه عـن مقـدرة فمُّـه
وتوصِّلُه أرفع القامـات=ولْشيْ ما كان في حُلْمُه
العطيب=
من ياخذ العـز بـا اللفـات=ماسـألـه ويــش فــي كـمـه
أسألك عن صاحبك بذات=الـلـي لـــه الـعــزم والـهـمـه
السينات=
كلاً حسب ما غـرس غرسـات=يحصـد ثمَـر يجمعـه مـن امـه
والصاحب اللي في بالي جات=لــــــه الـنـيـاشـيــن مـلـتــمــه
العطيب=
دام اتفقنـا نبـي اجــرآت=ومصادقة مجلس الآمه
حتى تعلـق لـه الرتبـات=لجلـه كفـو لِـيـت مهـمـه
مثلـه تهـدا لـه الجـزلات=نوفـيـه حـقــه لـنــا ذمْـــه
مايطلب العز بالمنحات=الــعــز كـاسـيــه ويــزمـــه
السينات المردود الاخير=
واللَّـهْ ومـن انــزل الآيــات=أولاد عمي علـى الحِشمـه
يستاهلـون اكْبـر الميـزات=تُعْطـى لكـلْ واحِـدٍ باسمـه
أهل الشهامة لهم صولات=وإعْقولهم راجحة بحِكْمـه
أصحاب فزعة لهم وقْفات=لاحْتاجتْ المسألـهْ حَسْمـه
والآن يا صاحـب القافـات=شاب المثل وارتفع خشْمه
اهـدي لـك الـوِدْ والقُبْـلات=يا راعي الطيب والحِكْمـه