مع الشاعر حفيد الحجيري ( سلام مافيه أبـد خِلّـه )

29-12-10, 06:34 PM

حفيد الحجيري=
سلام مافيه أبـد خِلّـه=ينصى بخيتان ولـد العـم
اللي فكثـره وفـي قلّـه=مثل الذهب كيف وألّا كم
بخيتان البشري=
ترحيب لايمكن تملّـه=يابو علي ياخشير الدم
واجب ومده على الملّه=ونتممه بالوفا ونّتـم
حفيد الحجيري=
تبقى يا راع الوفا كله=يا ملبي القيل يوم أزهم
شريط الأحزان بآآ فلّه=لنكان تقدر تلمه لـم
بخيتان البشري=
راع الوفا مثلكم مثله = لاجاه راع المثل ينعم
لاباس عن مابكم هله= يمكن لكم فالأمر ندعم
حفيد الحجيري=
لي صاحبا علته علـه=متشكل ِ بين فتح وضم
ليا صددناه ما نزلّـه=وليا قصدناه ما نسلم
بخيتان البشري=
نبه خويك على الخلّه= مادامها بين فتق ونظم
قدام لاتظل وتظله = يمكن جهل مادرى بالعلم
حفيد الحجيري=
مايجهل الـدرب ويدلـه=فيه الذكـاوه ويتغيشـم
المشكل اللي نبـي حلـه=ما أقوى معه غير قولة سم
بخيتان البشري=
إما تصمّل وشكْلّه = ولا معه بالوفا اعزم
قدام لاسيفك تسله = وصاحبك بكرة معه تزلم
وعن عيبه الواجب تقله=مادمت لمصاحبه مهتم
بالطيب إسعى وحاوله =درب الوفا معه ماتندم