لحن مع الشاعره القديره غربه وترحال

#
#
#
#
#
#
#
#
#
#
#

غــربــة وتــرحــال=
ياليـل ..ياليـل ..ياليـلـي=اسهر وعيني جفاهـا النـوم
وياويل ..يا ويـل ..ياويلـي=من ود وسط الحشا مكتـوم
الاشـــــعــــــل=
ياللـي تشيـل المواويـلـي=وعيا عليـك المنـام يحـوم
عجـل بشـرح التفاصيلـي=تاخـذ افـادة عقيـد القـوم
غــربــة وتــرحــال =
وصلـت معايـه مواصيلـي=والحال زايد على المحـروم
والـود ياليـت صاحيـلـي=بالعكـس زاد العنـا واللـوم
الاشـــــعــــــل =
كـم ودنـا نعّـدل الميلـي=يالصاحب اللي شكيت همـوم
والمشكله جيت تشكـي لـي=دون التقـاريـر يـازيـزوم
غــربــة وتــرحــال =
العشق كم هـد لـي حيلـي=صويبه بسهمـه المسمـوم
لاقلـت يامهجتـي ميـلـي=القى سماهـم تعـج غيـوم
الاشـــــعــــــل =
الــود جُـلّـه بهاذيـلـي=ولا اقول فيه الأمـل معـدوم
وانته عن الـدرب لاتحيلـي=اصبر وخلك شديـد عـزوم
غــربــة وتــرحــال =
مات الامل كيـف يضويلـي=لاصار فيني الشقـا محتـوم
رفعت بالصـوت تصويلـي=واقلبي اللي غـدا مصـدوم
الاشـــــعــــــل=
فالشـرح ماودنـا نطيـلـي=صبرك وصبرك على المقسوم
عسـى الليـال المقابيـلـي=غربه وترحال غيـر اليـوم