مساجله بيني وبين الشاعر/ خالدناصرالمريخان

ياسعود ما جتنا الليالي على الكيف=دنيآ نبيها تزين ومعاكستنا
منها تكبدنا العناء والتكاليف=نسبح بوسط أمواجـــــــــــــــها وتعبتنا
تعصف بنا الأحداث مثل العواصيف=لوساعفت للغير ماساعفتنا
إيشيب منها مفرق الراس وتخيف=اليا ومنا مكرها باغتتنا
ياليت ندري ويش وسط المضاريف= لكنها بالغيب ماعلمتنا
كم فرقت بين القلوب الموا ليف=تبعدبنا ياسعود ماقربتنا
والله يالولا هرج بعض الملاقيف=اللي اليا طب المجالس شمتنا
لا روح روحة واحد صدر معيف =مار الحياء والمرجله ما سكتنا

خالد ناصر المريخان

خالد تصوغ القاف وتحذف وتضيف=لين القصيده ناسبت وعجبتنا
ماساعفت دنياك يامكرم الضيف=لجدادنا اللي بالزمن سابقتنا
أصدورهم رغم العناء للملا ريف=أفعالهم نسمعبها هولتنا
غابوا وغاب العز بدروج الأرشيف=من بعدهم زرنا القمر بالسنتنا
أقفى زمان الجود والوجه والسيف=وقبل زمان أميرنا مصلحتنا
مرباع في لندن ومرباع بجنيف=شاشات عرض العولمه معرضتنا
صارت حقايقنا مزاج وتصانيف=أن ناسبت لصحابنا ناسبتنا
من لذت الفنجال ماكرم حنيف= لو قال دلة صاحبي ماروتنا
ياخالد ارقى فوق روس المشاريف=لاتلتفت لعلومهم مانقصتنا
العود لولا جمرة النار ماشيف=ولاصار طيب نقربه لشمغتنا
أكثر مقالوه العرب فيه تحريف=خل السلق تنبح ورى قافلتنا
بين الحسد والكذب والغش والزيف=منهم مجاهيم النوايا نصتنا
لو يزعل مخيلف ولويزعل خليف=دونك ليامن البلاوي بلتنا
لوك بجنب طريف وانا على السيف=طول المسافه ماقطعت معرفتنا
دنياء يابوناصر حلاها تخاطيف=انا فرحتنا عودة واحزنتنا..
الله يعز الدين رفعه وتشريف=ويعز عبدالله ملك مملكتنا..

ســعود عبدالله الجميلي

صحت السنتكم وعلا شانكم
مسجله رائعه
لاهنتم
احترااامي

	المشاركة الأصلية كتبت بواسطة سعودية

	صحت السنتكم وعلا شانكم مسجله رائعه لاهنتم احترااامي

لاهنتي أختي سعوديه على التعليق الجميل

صحت السنتكم وعلا شانكم
مسجله رائعه

	المشاركة الأصلية كتبت بواسطة حمدفهيدالحربي

	صحت السنتكم وعلا شانكم مسجله رائعه

صح بدنك أخوي حمد الله لايهينك

صحت السنتكم
والله يعطيكم العافيه
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يعطيكم العافيه بيض الله وجيهكم

صح بدنك يالحب الباقي لاهنت على المرور

صح لسانك ياسعود على القصيده
الرائعه
وصح لسان خالد بن مريخان على رده
الرائع

وقصائد كلها رائعه


تقبل تحياتي

	المشاركة الأصلية كتبت بواسطة حمدي العوفي

	صح لسانك ياسعود على القصيده الرائعه وصح لسان خالد بن مريخان على رده الرائع وقصائد كلها رائعه تقبل تحياتي

صح بدنك ياحمدي العوفي..
القصيده الأولى لشاعر/خالدالمريخان.. والمرد لي.. لاهنت على المرور

صحت السنتكم وعلا شانكم
مسجله رائعه

وسلملي على ابو ناصر وكل الجماعه