في ضيافة وليف الشوق

في ليلة الخميس الموافق 26=27/ 6 / 1431هـ وفي استضافت وليف الشوق

كلا من علي عيدالبشري وبخيتان البشري وابوفرح وهمس القوافي وخالداللهيبي

وكانت ليله من احلا الليالي المميزه وتم هذا الحن بين الاخوان

ابو عيد وبخيتان =
سلام بطيب المثل نبدى = ياصحاب للقيل طلابه
جزل المعاني لكم مبدى = معروف وانتم من اصحابه
ابوفرح و همس القوافي =
ترحيب ياوافي المدا = يابادع القيل فكتابه
حنامعك نبذل الجُهدى = وانتم من اهله واربابه
ابوعيد وبخيتان =
بالطيب لكم البقى يُسدى = معكم سوى الحرف نرقابه
اللي دحم ضلع يتحدى = ياهل ترى وش يسوابه
ابوفرح و همس القوافي =
من جاوز العرف وتعدى = وشرّع للأهوال أبوابه
قوّم على مثله الحدا = لا تلتفت له وتشقابه
ابوعيد وبخيتان =
من رأيكم رأينا نقدا =اللي ذكرتوه لعقابه
واللي مخليه يتمادى = فالأمر مدعوم من لابه
ابوفرح و همس القوافي =
من لاتقنّع ولااستهدا = وحوله صعاليك تلهابه
يبقى ردي والعلوم اردا = ذنبه على جنب من جابه

[/poem]