محاوره بيني وبين الشاعر الاخ سعيد الانصاري

ســـــاهــــــر =
تذكُر هذيـك الليالـي كـم=عانيت فيها لجـل ارضيـك
راحتك عندي بـذاك الكـم=تستوجب العاطفه واعطيـك
سـعـيـد الانـصــاري =
انا لكـم فالمواقـف عـم=ابعد عن النـار لا تشويـك
الدم يبقى علـى اسمـه دم=عسى جميلي بيثمـر فيـك
ســـــاهــــــر =
ياللي علينـا بديـت بـذم=ماكـان هـذا املنـا فيـك
اخاف يطلع عليـك الجـم=تبغى السلامـه ولا يمديـك
سـعـيـد الانـصــاري=
كلامك اللـي رسلتـه سـم=في اول القـاف مايخفيـك
ساعات رايق وسـاع تـزم=وان كان تعبـان باكويـك
ســـــاهــــــر =
ماني علـى طبكـم ملـزم=وان كان تبغى دواء نعطيك
سبعه مراقيم تحـت الكـم=وازيدهـا كـان مايكفيـك
سـعـيـد الانـصــاري =
ارحم جريح الغـرام ارحـم=اللي من سنين ميـت فيـك
من قبـل لاجيبكـم مرغـم=واصرف لك علاج واداويك
ســـــاهــــــر=
قلبي غدى بين هـم وغـم=عاما مضى بين هيك وهيك
ياليت شملـي معـك يلتـم=واكلك ياتمر بعد اجنيك

ارجو ان تنال اعجابكم

صح لسانك ياساهر

صحت السنتكم
والله يعطيكم العافيه
بيض الله وجيهكم

محاورة رائعة

اصح الله لسانيكما

ومن العايدين وعساكم من عواده

صحت السنتكم وبيض الله وجيهكم

	المشاركة الأصلية كتبت بواسطة بيان الصمت

	صح لسانك ياساهر

صح بدنك اخي الغالي

بيض الله وجهك