سلام ياصاحبي بخيتان

سلام ياصاحبي بخيتان = ياحي فالك وحي طاريك
ياكيف تاجر طلع فقران = عيا رصيده يغطي شيك

صح لسانك كسرة رائعه
والله يـعـطـيـك الـعـافيـــــــــــة
بيض الله وجهك

صح لسانك يافايز وفي انتظار ابو محمد

تقبلا تحيتي وتقديري

يا سلام على الكلام المليان

صح لسانك مليون

	المشاركة الأصلية كتبت بواسطة فايز المحيسن

	سلام ياصاحبي بخيتان = ياحي فالك وحي طاريك ياكيف تاجر طلع فقران = عيا رصيده يغطي شيك

يامرحبا يارفيع الشان = لبيه يازاهم بناخيك
أحيان يخسر وبعض أحيان = هذي تغطي خسارة ذيك

	المشاركة الأصلية كتبت بواسطة بخيتان البشري

	يامرحبا يارفيع الشان = لبيه يازاهم بناخيك أحيان يخسر وبعض أحيان = هذي تغطي خسارة ذيك

عسا البقا ياجبل رضوان = والسيل ماحركك تحريك
جاتك سحابه مطر هتان = لكن توارت تناظر فيك

	المشاركة الأصلية كتبت بواسطة فايز المحيسن

	عسا البقا ياجبل رضوان = والسيل ماحركك تحريك جاتك سحابه مطر هتان =لكن توارت تناظر فيك

السيل يجري مع الوديان = مايدحم جبال لا يطريك
سحابة الصيف ياسرحان=تقشع ولو برقها يغريك

	المشاركة الأصلية كتبت بواسطة بخيتان البشري

	السيل يجري مع الوديان = مايدحم جبال لا يطريك سحابة الصيف ياسرحان=تقشع ولو برقها يغريك

لاويش راسم على عنوان = زاهي مُميز ولا يخفيك
ناوي يتعشاء مع الشيهان = والحُرّ ماهو كما ذوليك

	المشاركة الأصلية كتبت بواسطة فايز المحيسن

	لاويش راسم على عنوان = زاهي مُميز ولا يخفيك ناوي يتعشاء مع الشيهان = والحُرّ ماهو كما ذوليك

نفسك وتغويك يالأنسان=أحيان فالتهلكة ترميك
ومادمت تمشي على برهان =لاذا يصيبك وذا يخطيك

الله درر ثمينة وشعراء رائعين صح الله السنتكم وبيض الله وجيهكم
تقديري واحترامي للجميع