أبو مره وتركي أتمنى أن تحوز على رضاكم

هذه المحاورة الثانية التي تشرفت بها مع الشاعر الكبير أبو مره أتمنى أن تحوز على رضاكم

أبو مره=
سلام حبره ذهب صافـي=من منجمه عالي الاوصاف
ينصى اللذي تعجبه قافي=وللكل واللي يحوف القاف
تركي=
من ضيف دوبه لكم لافـي=ماشي على القن والأعراف
واجب علينـا وميقافـي=يامرحبا براعي الميقـاف
أبو مره=
راعي الوفا قرم وسنافي=معروف بالعدل والانصاف
من بعد ما تحقق إنصافي=جيت أطلب العدل ياعراف
تركي=
ياتي لكم ردنـا شافـي=للكل ياصاحبي ينشـاف
لا زلت صامد في ميقافي=وانت وانا ماعلينا خلاف
أبو مره=
مرفق لكم شرح أوصافي=ممهور من هيئه الاوقاف
مركب شعوري ومجدافي=غيري بها فالبحر طوّاف
تركي=
إهمال من أى الأطرافي=حتى لقي فرصته خطاف
مقدام مثلك ولا يخافـي=والرب نونه سبقها كاف
أبو مره=
مادمت ياصاح سيّافـي=الحق مايعتليه أجحاف
كان الامل مبعد وجافي=عوّد نسيم الامل هفهاف
تركي=
إليا صحى جرحك الغافي=ولحالتك مالقيت إسعاف
صبرك على قولة اسلافي=لو زاد همك عليك أضعاف
غير الصبر مالكم وافي=وربك يرد الثقال خفاف
تصبح غدآ وانت متعافي=وتبقى على عالي المشراف