( مصيبة اهل انجلترا في ديانا )

/
/
/
/
/
/
/
/
/
/
/
/

بنيت جسر المعرفه بيننا البين=ماكنت حاسبها بداية شقانا
وعشنا معاك الود عام ٍ وشهرين=ياطير يومك سايح ٍ في سمانا
وماكنت متوقع تجي منك يازين= تلغي عهود الود تنهي هوانا
وعدك معي في سن واحد وعشرين= في ساعة ٍ جيش الموده غزانا
واليوم عدينا ربيع الثلاثين=وانته ولا وفّيت وعدك معانا
ماتدري ان الوعد في شرعنا دين=والله عن خيانة بعضنا نهانا
ولو كان صنّت الود حسب القوانين=من وضعنا ماكان تشمت عدانا
مدري متى يلتم شمل المحبين=ومن وقتنا نعلن مكاسب رضانا
الله على وقت ٍ مضى لو تردين=يوم التلاقي كان غاية منانا
اطلب عسى ربي على بعدك يعين=ويفرج هموم اللي من البعد عانا
يالصاحب اللي منزله داخل العين=لقا وفانا مير ليته وفانا
ماصابني في بعدكم صار ضعفين=ماصاب شعب انجلترا في ديانا

الشاعر / خالد بن عبيد بن معتوق ألأحمدي