( حتى لميس اللي عشقها ملايين )........... مساجله

/
/
/
/
/
/
/
/
/
/
/
/
/



بدع الشاعر / خالد بن عبيد بن معتوق ألأحمدي

ازرا لساني يوصف الزين بالزين=في وصف زينه ضاع زين الكلامي
ماكن من سواه سـواه مـن طيـن=سبحان من يحيي رميم العضامـي
ماضن يانايـف رزق زينـه ثنيـن=لاتقول في تركي ولا تقول شامـي
حتى لميس اللي عشقهـا ملاييـن=شفنا حلاها عنـد زينـه عدامـي
يفتن حلاهـا مـن يـأم المصليـن=لـو شفتهـا ياصاحبـي ماتنامـي
ولو مرت المهموم من كثرة الديـن=ينسى همومه من رشيق القوامـي
يازين صدفه جابتـه يـوم الاثنيـن=ساعة لقيتـه وابتـدى بالسلامـي
كانت زياره للبلـد ضـل يوميـن=ياجعلها تنعـاد فـي كـل عامـي
وياليت خـلا للمواصـل عناويـن=اللـي بموجبهـا نجيلـه ولامـي
وكمّل غيابـه عننـا عـدّة سنيـن=وحكم الجفا بعد المـوده حرامـي
من فرقته حالـي تسـر العدوييـن=واصبحت يانايف صويب الغرامي
عندي غلاه يفـوق كـل المحبيـن=واغلا من اللي ينحسب بالجرامـي
اسهر طوال الليل ماغمّض العيـن=كني خفيـر ومرتبـط باستلامـي

واليكم
رد
الشاعر / نايف بن صالح المالكي

اهلا وسهلا ياحفيـد الكريميـن=أهدي لكم شوقي وأزكى سلامي
وادبل الترحيب مليـون والفيـن=منشان خالد له جزيل احترامـي
انته كتبت اشعار تمـلا دواويـن=عانيت من دنياك عفت المنامـي
تشكي بعاد اللي على القلب غالين=تشكي بعاد الزين بـدر التمامـي
اللي جماله مايبي لـه براهيـن=واضح جماله حيل ظبي العدامي
لاتفقد الامال لـو هـم بعيديـن=لا تسمع العذال واهل الملامـي
حتى ولو عانيت ذقت الأمريـن=لابـد بالتالـي تنـال المرامـي
يقولها من عاش جـو المحبيـن=نايف ترى قد عاش قصة غرامي
كانت بدايتهـا بستـه وعشريـن=واربع ميه مع الف عام الهيامـي
ذقت العنا اصناف والقهر قهرين=لكن فرجها رب خيـر الانامـي
يارب تسعـد ياحفيـد الكريميـن=الصاحب اللي له جزيل احترامي

صح الله السنتهم نصين رائعين جدا

	صحــت السنتكــم دمتم برعاية الله وحفظة

صحت السنتكم
والله يـعـطـيـكم الـعـافيـــــــــــة
بيض الله وجيهكم

سلطان الفريدي
صح بدنك
ومشكرور على المرور العطر

لاهنت وصح السانك

تقبل التقدير والاحترام

وفقك الله

صح لسان كلا من الشاعرين


مساجله قمه في الروعه والابداع

سلمت يمينك اخوي صقر المراقيب

بن فرهود الحربي
الف شكر لك

مشكور
اخوي
الحب الباقي

حتى لميس اللي عشقها ملاييـن
شفنا حلاها عنـد زينـه عدامـي
يفتن حلاها مـن يـأم المصليـن
لو شفتهـا ياصاحبـي ماتنامـي



اما عاد هههههههههههههههههه

صح لسانك وفكرك ياهواوي انت هواوي من الدرجه الاولي