عتمت عمر ماحواها نور..أراهن على ماتحمل في فحواها.؟؟؟؟؟؟؟؟؟؟؟؟

"
بما أنها أولى تجاربي مع الهجيني أتمنى أن تحوز على رضاكم و أستحسانكم شعرائنا الكرام
"
"
"

يارب عما ورب الطور = وصورة محمد والأنفالي
تعلم وانا عبدك المأسور = أسألك تصلح لي أحوالي
وأسألك لا تكشف المستور = ولا ظنتي فالبشر خالي
عبدك وأنا خاطري مكسور = طمعان في جودك العالي
مؤمن وفي لوحنا مذكور = إن كنت شقيان أو سالي
مقهور من حالتي مقهور = من حال مايقبله غالي
بين العرب أبتسم مجبور = والنار تشعل بي إشعالي
وش حيلتي والأسى محفور = بالجوف وش عاد يبقالي
حتى جدار الأمل مشطور = من بعد ماكان بالعالي
مادري خلل والحلل معذور = حتى تحطم به آمالي
واللي هويناه كالبلور = أول بس الآن تمثالي
خالي مشاعر يمثل دور = عاشق وهو مانشد مالي
لاوين بكتب وهذي سطور = واللي خفى فبه الأهوالي
كل ماعدلته يجي فحدور = ثقيل تبرك به جمالي
وأكيد في ذالصـبر مـأجـور = برد و ملاهـيب مـا أبــالـي
عاقل وطبعي كما المسحور = ومن شاف حالي بيرثالي
لا الطب ينفع ولادكتور = وأخشى من القيل والقالي
لو أعلم الطب في لاهور = لأمشي له البر وجبالي
سنين بأيمها و شهور = أمرارها دوم والحالي
سطر إنكتب بالخطأ مقرور = بأحيا به أيام تبقالي
كشخص من باقي الجمهور = لاوحى ولاشاف لا قالي
وإلا الحقيقه جسد مهجور = لا حب لاحط لا شالي