تستاهلين اللي جرى يالحيتي

تستاهلين اللي جرى يالحيتي تستاهلين = لاني وثقت بواحدٍ ماهو بكفوِ للثقه
غرتني الكشخه وحلو الهرج في عبد المعين = ماكنت اصدق فيه من حلو القبال ومنطقه
اثره مصلحجي رقم واحد وشين بقو عين = ميت ضمير من الحيا مغسول وجهه بمرقه
يبدي لي الطيبه ويخفي عني الحقد الدفين = الكحل لامنه لقى فرصه من العين سرقه
وانا على نيه من الرحمن واثر ابن اللذين = يضحك معي بلسان مايخبر وقلبه محرقه
لكن ابو نيه غلب راع الحيل والنيتين = اللي ماهو لله يضيع وينفضح من لفقه
جمالةٍ في غير اهلها نقص يالقلب الفطين = تصبح هبا منثور لاترجى ولاهي بصدقه
مر التجارب علمتنا الغث فيها والسمين = هالحين راع الطيب من راع المصالح نفرقه
العقل نعمه والتجارب بعدها كلش يبين = ماعاد تخدعنا المظاهر والحكي والزبرقه
المؤمن من الجحر صدقني مايلدغ مرتين = عقب الحذر مايوخذ الا اهل الردى والنقنقه
ومن بعدها تستاهلي يالحيتي لو تاثقين = الا برجّال كفو يشفق على الطيب شفقه
متسلسلٍ بالطيب من روس الرجال الطيبين = كلٍ ينّعم له على طاريه والله وفقه
العلم واضح والرجال رجال والمعنى ثمين = ماهو صحيح يشبه الحر القطامي بسلقه

عوض عواض الغيداني

صح لسانك وعلا شانك على هالجزلةيالحزل شكرا لك
وتقبل تحياتي

	المشاركة الأصلية كتبت بواسطة حسين مريع العبيدي

	صح لسانك وعلا شانك على هالجزلةيالحزل شكرا لك وتقبل تحياتي

صح بدنك اخي حسين والله يعطيك العافية على المرور والرد


لاهنت

صح الله لسانك مبدع ولازلنا بنتظار جديدك

	المشاركة الأصلية كتبت بواسطة محمد عويض البدراني

	صح الله لسانك مبدع ولازلنا بنتظار جديدك

صح بدنك اخوي محمد

والله يعطيك العافية

اشكرك

ياسلاااام على الإبدااااااااااااع والله جزله ولاهي غريبة من صبيان حرب الجزالة

تسلم ثم تسلم يالغيداني

وعطنا الجديد

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الاخ عوض عواض

صح لسانك ولاهو غريب الابداع منك

تقبل تحياتي

ياسلاااام على الإبدااااااااااااع والله جزله ولاهي غريبة من صبيان حرب الجزالة

تسلم ثم تسلم يالغيداني

وعطنا الجديد

صح لسانك وسلم بنانك



قصيدة رائعه بروعة حضورك



لك تقديري