المســــــــــافة

كل عام والجميع بالف خير وعافية

قيس المسافة من المشرق يالين الغروب=ومن منزله في طمان الأرض لأعلا سما
ومن شام حتى تصل أقصى حدود الجنوب=اضعافها الفرق من بينه و بين ألوفا
لجـل ألوفاء ما يوافق شخص مثله كذوب=اللـي تخلا عـن الميقاف بعد أحتما
ومن صد عن موقفه تسفا عليه الهبوب=ويعيش تحت الثرى ويموت تحت الثرا
وأهل المثــل قبلنــا قالوا مثل للشعوب =النقــص مـن صاحبه لجــاك ما هو ردا
ولصار عنوان لهل النقص من كل صوب=ما يا خذ الطايله عنها يعود ورا
ما ينحسب رجل من هو بردية يجوب=لو كان شامـخ بطولــة مثل طلعت كــرا
ولا تقــوم له قائمـه كل العمـر لو يتـوب=اللي على الناقصة من صغر سنه ضرا
مدام مولــود في بيــت الــزرا والعيوب=يمشي على نهج من قبله في درب الزرا
وبيت بلا ساس ما هو في البيوت محسوب=لا يعجبــك لــو تعــلا فــوق مــا به ذرا
ولو كل من قال أنا سهلة عليه الدروب=مكان به ناس تشكي همها اللي جرا
وهذا زمان التميز في كبار الجيوب=فيه الحثالة منازلهم فــي رأس القــرا
واللي على غير وجهة حق ذاك مغلوب=لــو عــاش ما يعتلي شـــانه بمال وثرا
يندس لا حس في حر النهاراللهوب=اللي يتباهى ليا شاف النهار أدبرا
والرجل يعرف بميقافه نهار النشوب=اللي يضحي بروحه يوم غيره سرا
اللي سعى للجميلة لين صار محبوب=وكساب للطا يله والكل عنه درا
في موقفه دايم واضح وغير محجوب=يبين في الموقف الغصاب مهما جرا
حتى كسا المجد من مجده عقال وثوب=وعطا له العز و النوماس بين الورا
مضرب للمثال لا دقت طبول الحروب=يفزع ولو كان جرح المعركه ما برا
الطيب والجود ينسب له بصدر(ن)رحوب=من سابق الوقت هو والنايفات قطرا
جزل العطايا وعنده للعطايا أسلوب=يعطي بيمناه يوم (ن)الزمان اغبرا
يالله يا واحد(ن) تعلم خفايا القلوب=ويا راد يوسف على يعقوب حتى يرا
تغفر لمن يطلبك يارب كل الذنوب=لا تحرمه رحمتك وأنت بها الأقــدرا