( شيك بثلاثين مليار )

/
/
/
/
/
/
/
/
انقل لكم
هذه
مساجله مع الشاعر القدير / مضحي بن جمران
واتمنى ان تنال ‘عجابكم
/
/

صدمه وصابت كنها رمي بلجيـك=جتني على غفله بلا سابق انـذار
مسكين ياقلبـي زمانـك معنّيـك=صدقت من قالوا على الوقت غدار
ياوقت ياغدار مالـي رجـا فيـك=اسقيت زرع الصبر مابان بثمـار
والحال يامضحي لها عـام تبكيـك=ضايق علي الكون مع ضيقت الدار
عن حالتي لابـد الاجـواد تنبيـك=صار السلا عندي تفكـر وتذكـار
يالصاحب اللي لادعي قـال لبيـك=افزع لقلب ٍ يحرقه واهـج النـار
ارسله العدوان فيـروس تفكيـك=خـلا علاقـات المحبيـن تنهـار
وضعه من الوجدان ماضن يرضيك=سيطر عليه الحزن غارات وحصار
والعاذل المغبون من عيشتي ذيـك=اليوم يضحك شامت بكل ماصـار
وعسى حياتك ياعضيـدي تهنيـك=وتعيش فالدنيا بلا ضيق واعسـار
والحاسد اللي بالمضـرات ينويـك=يلقى غبينه وين ماوجهه وسـار
هذا جوابٍ جاك من شخص ناصيك=وارضي فؤاد اللي عليه الزمن جار
لجلي اعدك شيك مافيـه تشكيـك=نصرفه باليـورو ثلاثيـن مليـار

الشاعر/ خالد بن عبيد بن معتوق ألأحمدي
/
/

واليكم رد
الشاعر/ مضحي بن جمران

الله ياخالـد يحفظـك ويحمـيـك=والله يجيرك من بلا سوء الاخطار
والله على صدمات بقعاء يقويـك=والله يهي لك عن البـاس معبـار
اعرف تراء لك واحـد ٍ مايخليـك=علام ماتخفي عباده مـن اسـرار
ان مانوالك بالعطا ماحـد معطيـك=لو افزعو لك فزعة الوالـد البـار
اللـي لايمنـك زبنتـه ينجـيـك=اخير من فزعات عامـر وعمـار
اللي كتب فاللوح ماهـو بمخطيـك=سبحان من بيده تصاريف الاقدار
الرزق لوهو في يدين الصاعليـك=انكان دب الجوع في كل الاقطـار
ياخالد ابن عبيـد مانـي مخليـك=من لافزع جعله لقصاف الاعمـار
ماتملـك اليمنـا فدايـا مواطيـك=للكسـر جهزنـا جبـاره وجبـار
ماكل صاحب لو ضحك لك مصافيك=مال المروه غير وافيـن الاشبـار
اخذر مشربك صاحبه فالشرابيـك=حرّم على رجلك تمـرّه بمسيـار
لاهنت ياخالـد ولاهـان غاليـك=جعلت عزالنفس لك تاج وشعـار
دنيا العنا ماهـي تغيـر مباديـك=مدام تملك بعـد نظـره وصبـار

صح السنتكم وبيض الله وجيهكم

اخي صقر المراقيب

لاهنت

ويعطيك ربي العافيه

صحت السنتكم
والله يـعـطـيـكم الـعـافيـــــــــــة
بيض الله وجيهكم

الشاعر مضحي الشا عر صقر المراقيب ابداع ابداع 00 بدع ورد يعطيكم العافيه00 احترامي للجميع

دنيا العنا ماهـي تغيـر مباديـك=مدام تملك بعـد نظـره وصبـار


خالد الاحمدي & مضحي العلوي


صحت السنتكم وبيض الله وجيهكم


شعراء اطرب لسماع قصائدكم


دمتم بحفظ الرحمن,,,,,

ابو صقر الحربي
اشكرك على مرورك

الحب الباقي
الف شكر لك

خالد الاحمدي &&&&& مضحي العلوي
والله انكم دايم مبدعين و قصيدكم جزل و نظيف و بيض الله وجيهكم و صح الله لسانك

محمد الخضراني
الف شكر لك

صح لسان صقر المراقيب وصح لسان مضحي بن جمران
كلام جزل من ارجال جزلين