بين رجاءالله ومتعب الديري الله يرحمهم

يالله بـعـراك الوثـيـقـه تـوثـقـت=ياللي عـراك لمـن وثـق بـك ا وثاقـه
باقي علـى وعـدك وعهـدك ولا بقـت=مانـي مـن اللـي عاهـد الله وبـاقـه
واشكـي لـك الايـام معهـا توهـقـت=واثـر لهـا مثـل البحـور اصطفاقـه
عطيتهـا وجـهـي وفيـهـا تعلـقـت=وقامت تصـرف بـي تصـرف حماقـه
اورتنـي احـلام السـعـاده ولاذقــت=ومـن الـعـزاره ذوقتـنـي اذواقــه
ليّـه ثمـان اسنيـن غربّـت واشرقـت=واخـذت مـع كـل الفجـوج انطـلاقـه
واقـوم واجلـس واحسبـنـي توفـقـت=واصبحـت مالـي بالتـوفـق عـلاقـه
وخضعـت لمـواس الليالـي وتحلـقـت=وعطتنـي الايــام كــف الحـلاقـه
واول ليـا منـي زعلـت وتضايـقـت=القـى الفـرج فـي سجتـي للرفـاقـه
واليـوم صـارت ضيقتـي مالهـا وقـت=اسـج وتـزيـد الضيـاقـه ضيـاقـه
لكـن ليـا منـي نظـرت ا وتحقـقـت=واليـا القـراده عاشقتـنـي اعشاقه
يابـو فهـد ياريـف قلـبـي لياانعـقـت=ياريـف مظيومـن اعظـامـه ادقـاقـه
ليتـك علـى صـدري وقلبـي توايقـت=وتشـوف ماكـدر ظمـيـري وعـاقـه
وتشوف كم خفيـت بالصـدر وادرقـت=من حمل يكسر قلـب الاوضـح وساقـه
حملـي ثقيـل وفـوق حملـي توسقت=من حمـل مقطـوع العـراوي اوساقـه
ونصف اصدقاي اللي على الخير صادقت=قامـت اتقطـع بـي حبـال الصـداقـه
واليـوم لا منـي نظـرت اوتطـرقـت=للـي مضالـي صـار قلبـي احراقـه
يامـا جمعـت اهمـوم قلبـي وفرقـت=والسهـر والله مـا حصلـي افـراقـه
ويامـا بكيـت لراحـة البـال واشتقـت=ويامـا انسـرق نومـي عليّـه اسراقـه
وياما علـى بعـض المعانـي تشفقـت=يـوم الـردي مالـه عليهـا اشفـاقـه
. =
. =
. =
. =
. =
(((وهذا رد الشاعر متعـب الديـري ))) =
لا باس ياللي ضايقه ضيقة ا لوقـت=اللـي ثنـا حبلـه وجـود اوثاقـه
ذاك الرفيق اللي شرح لي وصدقت =بالقصه اللي كنهـا هـوش ساقـه
وصدقت لو اني على القلب ماوقت=الرجل يعرف من مبـادي نطاقـه
وحقك عليّه كـان عنكـم تدرقـت=اقبل وخذ صدرن وسيعن ارماقـه
ويضيق بالي يارجاالله ليـا ضقـت=شرواك ماارضى ضيقته وانعزاقه
والله لبذل كـل جهـدي وماطقـت=وعيب الرفيق إعن الرفيق انفهاقـه
واليا بذلت الجهد وانتـه تحققـت=ياطيّب الرفقه صـدوق الصداقـه
مالوم نفسي لو غرقـت وتعمقـت=هذيك رغبـة خاطـري واشتياقه
والوقت قبلك ساقني سوق وانسقت=منت الوحيد اللي شقا الوقت ساقه
ونجحت فيه امرار وامرار واخفقت=في وقت ما هقيـت ب الانخفاقـه
مرات ساقتني ومـرات انـا سقـت=قطارها واخذت رخصـة اسواقـه
واكتلت بالعلقـم وذقـت وتذوقـت=نفس الذي كالـه رجـاالله وذاقـه
ومهما يكون اسرعت والا ترفقـت=مالك على صـد المقاديـر طاقـه
وان كان للرجم المسمى تشوقـت=مالك على صـد المقاديـر طاقـه
والراي والعزم القوي كان وفقـت=مالك على صـد المقاديـر طاقـه
دش المحيط اغرقّك والا تلحّقـت=يظهرك من بحرن عميقـن عماقـه
وتراك لا هبت الوعـر ماتفوقـت=ركبـن تحـدى غبتـه وانصفاقـه
اما عتقـت بقـوة العـزم واعتقـت=لا اتطيع عذالن اعضـوده ارقاقـه
والا عداك اللـوم وانتـه تسلقـت=هرشن تحداه الدهر فـي رهاقـه
وانت الدليل اللي مع الطرق ماتقت=لو صار فيهـا طلعتـن وافتراقـه