جوله في ( مصر / الاردن / اليمن )

/
/
/
/
/
/
/
/
/
/
/
/
/
اخواني الكرام
هذه القصيده ارسلها لي الشاعر
/ سعد بن عبدالله
وانقلها لكم مر الرد

ودي اخذ رأي خالد يـوم بـان ويـوم بنـا=فوق مرقاباً تداعب كل مـن عـده هبوبـه
لأعطانا رأي مقنـع بـارت ظعونـه ظعنـا=وان تعذر عن زميله مايفتش فـي جيوبـه
لي يابن عبيد صاحب غاب تال الوقت عنـا=يا عسى غر المزون تعل دارا ًراح صوبـه
له ثلاث أشهور وربع غادر الغالـي وطنـا=مالقينا من يرد العلـم عـن دار اسكنوبـه
ليت قلبـي ماتعلـق فيـه ملعـون ألمطنـا=لي قلباً من حجر لكـن ذابـه فـي أسلوبـه
أصـدف فيـه اجمعنـا والليالـي فرقـنـا=والمفـارق للهواوي قالـوا العالـم عقوبـه
في محل الورد قابلتـه وطـار العقـل منـا=عنقها عنق الغزال وكـل مافيهـا اعجوبـه
قلت يازين الوصايف فيك همنـا وان فتنـا=ارحم اللي من هواكم ضاق به واسع دروبـه
قال خلـك فـي محلـك لاتـون ولا تزنـا=روح عنا في يميني لابسـه خاتـم خطوبـه
قلت هذا رقمنا يمكن علـى العاشـق تحنـا=عاشقاً من حبكم يمكن يشقق جيـب ثوبـه
بعد عامـا ً كاملـة سمعـت جوالـي يرنـا=لأهو اللي في محـل الـورد قابلنـاه نوبـه
قلت عودت خيـر يلـي باتصالـك ممتحنـا=جرحك اللي خابره يازاهي الخلخـال دوبـه
قال فينا الوقـت بـار وحضنـا فينـا تدنـا=قلت ذنبي قال مدري حط طوبه فوق طوبـه
من جديد ابن العلاقه بس لايـدرون اهلنـا=عن قليلين المروه قلت توبـه ولـف توبـه
ماغدرنا غير واحد ياوسيـع العـرف منـا=لو يحب الراس والرجلين ما نغفـر ذنوبـه
وبتدينا حـب ماحبـه بشـر قبلـي وجنـا=صادقا ًبالحب مانـي مثـل ناسـاً كذبوبـه
من ردات الحض قبل العام يقضي راح عنـا=قال سامحني تراني من وراء الخشم مغصوبه
مادرينـا ويـن راح لشامـنـا ولا يمـنـا=سندو بالزين مدري مـن عذابـي حدروبـه
ياعذابـي ياذهابـي يـوم لاقـام ايتثـنـا=مثل عود الموز لاقـام ايتثنـا مـن هبوبـه
ضامر السرجوف خلاني مثل حـال المجنـا=الله انـه لايسهـل درب ناسـاً سافـروبـه
دوره يالاحمـدي بعـده زميلـك ماتهـنـا=يمكن الفقره يجيها عن سموم وعن رطوبـه
لالقيته عملـت الاصحـاب للاصحـاب ينـا=وان قصر شوف المدور مانبي شخصاً ينوبه
تـم قولـي والليالـي لأعطنـك ماعطـنـا=في شمال الدار جندي وأنت باشه في جنوبه

الشاعر/
سعد عبدالله
واليكم
هذا
الرد مني
واتمنى ان ينال اعجابكم

يامرحبـا ترحيبـة ٍ كنهـا هـيـل ٍ وبـنـا=في مجلس اللي عند كل العرب تمدح وجوبـه
من هاجس اللي يصرف المعرفه كيلـو وطنـا=نسل الرجال اللي على حقها تفـزع غضوبـه
شاعر ولي بالجزل مغرم ولـي مغنـى وفنـا=ليه نظر فالشاعر اللـي بـدا يطـرق لعوبـه
لجلي خبير بجمع مفرد وفـي جمـع المثنـى=حتى اشهدوا لي بالنحو ناس تحسب من ربوبه
حيا الله اللي هاجسه بالشعر مايستكنا=ياشاعر ٍ خطة يدينه لنا روعة عذوبه
اسمك سعد ماقول لك ياجوزيف ويـا يوحنـا=مسلم على عد الشرف عادته يمحـي غروبـه
وابشر بسعد وخير ياللي مـن الكربـه زبنـا=حنا ليا صك الزمـن بابـه صـدور ٍ رحوبـه
نفزع لكـم بالجـاه والمـال كلـه لجـل انـا=حنا قبايل حرب نبـع الوفـا نسـل العروبـه
عسّاسة الاخبار فـي خـارج الديـره سطنـا=كله عشان نشوف ربعه على ويـن اختفوبـه
فبلاد ابن دميـاط ياكـم مـن سيـر ٍ دهنـا=من حد كفر الشيخ حتى تصل بطـراف نوبـه
حتـى بـلاد حسيـن بقدومـهـا ماخبـرنـا=لكن عطونا وعـد لـو حصلـوه يطرشوبـه
واهل اليمن قالوا ترى ماوصل تعـز وعدنـا=ولا نوّخت بديـار حاشـد ولا مـرت ركوبـه
حنا مشينا وفـق سلـم العـرب معكـم بقنـا=وان كان ماجبناه ياصاحبـي ماهـي امكتوبـه
خلّك عزوم اصبر ولو الزمـن كشـر بسنـا=جليد همك شمس عزمـك ليـا بانـت تذوبـه
قبلـك ترانـا بالهـوى ياسعـد كنـا وكـنـا=دسنا دروب اخطار من سبته شفنـا صعوبـه
مانشكي الحرمان لو الزمـن باسـره سجنـا=والرجل مايشقوه بعض العرب لـو عذربوبـه
غصنا بحور الود قبلـك وذالحيـن اعتزلنـا=راع الهوى منكـوب لابـد ماتكثـر نشوبـه
ساعة تركنـا دربهـا تـو ماصحصـح بدنـا=وقت ٍ مضالي كان سم الهـوى باليـد كوبـه
والود ماهو لعبتـك بالـورق حكـم ٍ وصنـا=بحر ٍ تلاطم فيه الامـواج واعـداه امهزوبـه
عيت عيـون اهـل المـوده تغـط وترجهنـا=تسهر شقا ودموعها ياسعد تجـري سكوبـه
وان كان صابك شر من كـان بالـود يعذلنـا=طيب الشجـر لابينـت بـه ثمـاره حذفوبـه
والحسد لايرعبـك فيـه المغايـر لـو تشنـا=اصبر وراع الطيب للي يضـره فيـه حوبـه
وانا اطلب المعبود في رحمته ماضـاع املنـا=يكتب عليك بولف من يمشـي بعالـي كعوبـه

الشاعر / خالد بن عبيد بن معتوق ألأحمدي

صح لسانك ماقصرت

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك
..
..
أسجل اعجابي بالقصيدة
..
ويعطيك العافيه ..