مشتكى وردود جميلة جدا من السادة الشعراء ( للإطلاع )

الأخوة الكرام أضع بين يديكم
هذا المشتكى الذي طرح من قبل ولكن

الآن جمت جميع ردود السادة الشعراء الذين
أتحفوني بردودهم الجميلة التي تدل على تعدد المشارب والنظر من زوايا مختلفة
أرجو أن تنال استحسانكم ورضاكم

	المشاركة الأصلية كتبت بواسطة فواز الزويهري

	" " " " " " " " " يامن يفيد الذي جوفه = محروق من طير مايرعيه خطيت في داخلي حروفه=وحرفي يخطه فجدار التيه عيت معي تنقص وصوفه =كامل على اللي بنا يسويه صرقع لي القلب وبلوفه=ياليت يشرى وأقوم اشريه

	المشاركة الأصلية كتبت بواسطة عاشق الأصالة

	......................

كيف تعشق الطير ماتشوفه== والقلب في حبه معنيه
انصب شرك يمكن يحوفه == وفي فكته من الشرك داريه
ولاتزعجه قدر اظروفه == ولا جاك اصحى تفرط فيه
وجازيه بفعله ومعروفه == والسد لناس لاتطريه

	المشاركة الأصلية كتبت بواسطة الشاكر أبو سامي

	فواز من ناس معروفه = بالطيب والشر ماتبغيه ان كان لك طير وتحوفه = خله يطير ولا تثنيه اخير فرقاه من شوفه = ولا عاد وسط الملا تطريه ولا تلحقه لوم وحسوفه = واصرف نظر لاتفكر فيه

	المشاركة الأصلية كتبت بواسطة خيال الشمال

	اليك اخي فواز برفق تحياتي وتقديري ياشاكي الود ولهوفه = من طيربالعين تنظر فيه لوكل عاشق رمى شوفه= صاد الذي كان متمنيه ماشفت من يشكي حسوفه= ويصفق على غايته بيديه عذل على القلب من خوفه= بالشوف فالتهلكه ترميه

	المشاركة الأصلية كتبت بواسطة ابو عادل

	هون على القلب من خوفه = يعوضك من قدر يحييه واللي بخل عنك في شوفه = ما ضن يستاهلك تغليه خلــه والأيام ماصوفــــــــه = لابد ما في عمل تجزيه كلٍ على قدر معروفــــــــــه = ياخذ جزاء قدر ما يكفيه

تسلم يا فواز واليك تفاعلي المتواضع

أبو مشاري =
قريت للخط و اشوفه= ويارب هون علا راعيه
والوقت لاتهزك صروفه= سايس امورك معه ماشيه
لابد من يوم بتشوفه = وان بان لك لازم تغريه
النادر اللي هذي وصوفه= و الله ما يلام من يغليه

[/quote]

	المشاركة الأصلية كتبت بواسطة جريح الفرقا

	يامن بك النفس ملهوفه=محروق قلبك علي كاويه طيرك اشوفه بلا مروفه=راع الوفا بالجفا مجازيه الوقت يامكثر اصروفه=والقلب ترتاح ياقاويه غير العقل صكه بطوفه=القلب حذراك لاتراضيه

أحمد المحياوي =
فواز مرسول مظروفه=فيه الهوى والجفا يطريه
يا شاكي الحال وظروفه=أصبر على الهم لا تشكيه
لا كنت تبغاه وتحوفه=الطيـر لابـد ما تعطيـه
وإن كان بشروط وتشوفه=أنصحك من دنيته تنهيه

[/quote]

	ياسر الكبيدي = أعجبني القيل ووصوفه = على عجل جيته ملبيـه أقلّب الجـرح وآشوفـه = ياعل الأمثال تثمر فيـه لجل أيش ماتعذر ظروفه = يمكن حصل شي مايمديه ماكل من نقش كفوفـه = تقدر على كيفك تقديـه الصراف ( صقر المقرح ) = يا صاح كلٍِ له اظروفـه = والعرف والسايره تنهيه لهوده الوقت وصروفـه = تجبرْه يكتم أمر مخفيـه خَلك ذكي واحتوي خوفه = حبل الرسن درّكه واحويه بعد التعب جهدك تشوفه = وتبرق مزونك بما تحويه

[/quote]

محمد الغميري=
يامشتكي جور مايشوفه=ويبغى احد بالمثل يقديه
زين لك الحرف موصوفه=حكمه بعين العقل يمضيه
هذا الهوا مكثر صلوفـه=ياكم قبلك فتـى يشكيـه
انصحك اعتق عنه عوفه=ولاعاد ترجع تفكر فيـه

[/quote]

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم ودمتم بخير

صحت السنت الجميع

وبيض الله وجوههم

	المشاركة الأصلية كتبت بواسطة خالداللهيبي

	صحت السنتكم ودمتم بخير

صح بدنك يالنشمي

	المشاركة الأصلية كتبت بواسطة الشاكر أبو سامي

	صحت السنت الجميع وبيض الله وجوههم

صح بدنك يالنشمي


ووجهك أبيض


لك خالص التقدير

صحت السنت الجميع
وبيض الله وجوههم

تسلم يا أبو محسن

مشتكى رااااااااااائع المعنى

وردود ولا أجمل من شعار لهم مكانتهم

دام إبداعك وصحت ألسنة الجميع

بيض الله وجوه الجميع

ما قصرووو

	المشاركة الأصلية كتبت بواسطة بخيتان البشري

	صحت السنت الجميع وبيض الله وجوههم

صح بدنك يالغالي


لك خالص التقدير