حنا بدور المهايط بالكلام المميت

سلام يازياد يابن حجاب يابن نحيت=اشيوخنا آل النحيت اشيوخ شيخة شمل
شيخة شمل للقبيلة كلها كمبليت=يوم الجمل للزعيم يساق يم الجمل
ويوم الشباري تمزق بيت في ثار بيت=تشهد بها قارة الاسلاف هي والعبل
ماهي بشيخة ختم مركز وجيب ونيت=بحكم الأمن والآمان ولا نبي له بدل
واللي طمع باحتلال محافظات الكويت=البادي أضلم ولو يدفع ثمنها دبل
ياحلم بلبس العباه الصوف فوق الجكيت=حاول يهمش هل الماضي بحرب الدول
وإن قال انا لبسونيها وأنا مادريت=أكيد ضاع الدليل اللي عليه استدل
وأقول للي يبي يشتك منها خذيت=ليّه شهادة نجاح ولك شهادة فشل
ماأقول ماأدري وأنا داري سمعت وقريت=وتكبر وتصغر وأنا ماشلت منها زمل
بعض السوالف تورد هي وأهلها إلهيت=وكثر الجدال العقيم يردنا للجهل
حنا بدور المهايط بالكلام المميت=الله يجعل إلسان مهايطه لشلل
إليا جاك يازياد قله عود من حيث جيت=ترا المنافق يدس السم وسط العسل
لاتقول جاملت له ولا تقول استحيت=كلمت نعم ياطويل العمر تبغى فعل
وأنته حفيد الشيوخ اللي لهم ذاع صيت=بتاريخ مجد الاصاله بالفعل والأصل
سلالة بن المقرّن بالسير ما افتريت=مُزين الأول بطل ياحفاد ذاك البطل
والله مامدحك واذمك متى مابغيت=وأنته ولد من برك لاثقل حمل واحتمل
وبعتاق الارقاب ليا حدوا يقول إشتريت=ليا طق صدره لها ابو ايوب ركبت جبل
ياعزوة العز ياتاج الفخر لااعتزيت=لاتحسب إنا نسينا الماقف اللي حصل
ينساني الله كان إني جحدت أو نسيت=في ماعفا عن سبيل حجاب ماينقتل
قال اشهدوا عن سبيل وارثينه عفيت=الله يجزاه يوم البعث في ماعمل
واللي يحاول يهدم أقول له وش بنيت؟=من شأن نرضيه لاقيل الحطيئه زعل
لو جيت اجامل مع الغادي تراني غديت=وأصبحت مثل الذي طبق عليه المثل
من ذم راع الوفاء عندي جوابي هبيت=الله يجبر عزايه بالمصاب الجلل
ياحاسد حجاب خذها إن ضقت ولا رضيت=كم شرهة صادره من غير مصدر عقل
وإن قيل ماقل دل من القليل إكتفيت=ماودي اطيل وادخل في مجال الملل
والله ماقولها خايف من احد او رجيت=مارجي ولا أخاف غير اللي يعز ويذل
يالله ياللي لك المنه على من هديت=تهدي لنا ياكريم الوجه خير السبل
يارب أنا أكيد اخذت من الذنوب وعطيت=واستغفر الله واتوب عن الخطا والزلل

صحـ// لسآآآآنكـ//

وبيض الله وجهكـ//

تقبل مروريـ//
اخوكـ//
عليـ العبيديـ//

صح لسانك ياشاعرنا الكبير


ولاتطول الغيبه

بيض الله وجهك وصح لسانك

صح لسانك ملاييييييييييييييين



شاعر جزل اطرب لقصائدك



لك تقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يازيد

وبيض الله وجهك

قصايده رائعه جداً واعتقد ان لها دافع صلب جداً

ما اقول الا صح لسانك وسلم بنانك وبيض الله وجهك

صــــح الســــانكـ اخوي زيد

صح لسانك ياشاعرنا العلم زيد بن مبشر الحثل ونعم وستين نعم بابن نحيت ويستاهل وكفو لاهنت وبيض الله وجهك

صح لسانك وبيّض الله وجهك وعاداتك الجزاله


لك تحيااااااااتي