~*¤ô§ô¤*~ادعي بني سالم ومسروح~*¤ô§ô¤*~

السلام عليكم ورحمة الله وبركاته
ابيات متواضعه
اعذروني ان كانت ركيكه او لاتليق بالمستوى
دفعني شيء بداخلي لكتابتها

ياحرب ياربعي بعد جاكم الدور = زياد مثلنا فلا تتركونه
شارك ومثلنا نقول اله مشكور = والشكر في تصويتكم تشكرونه
واللي معه قدره فلا هو بمعذور = مانعذره لو غيرنا يعذرونه
ادعي بني سالم ومسروح بحضور = للموقف اللي لازمٍ تحضرونه
شدوا بهمتكم ترى وصلت الزور = شدوا على التصويت لاترحمونه
وزياد ماهو بين هالخلق مغمور = اليا طرى كل العرب يعرفونه
ماهو جديد اسمه مع الناس مشهور = من لابة درب العلا يطلبونه
ابن نحيت اللي لهم فعل مخبور = تاريخهم مشهود ماتجهلونه
والبيرق اللي مع قطر لو له اشعور = والسان ينطق والعرب يسمعونه
لايصيح باعلى الصوت حاذور حاذور = حاذور غير زياد لاتسلمونه
لكنها تصويت تصويت جمهور = والسالفه بيدين ماترسلونه
تكفووووون ياربعي بعد جالكم دور = زياد انا ماضنكم تخذلونه

وسلامتكم
تقبلوا احترامي
عبدالرحمن ضيف الله السعير السليمي

تسلم أخي عبدالرحمن ضيف الله السعير السليمي على هالقصيدة الرائعة

الوقفة بالتصويت مع زياد بن حجاب بن نحيت تهم كل حربي وإن شاءالله أنهم مايقصرون

دمت بخير أخي

قصيده رائعه


صح لسانك وسلم بنانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

قصيده وافيه ومن راس وافي


لاهنت ولاهان هذا الحضور


تقبل تحيتي

صح لسانك وبيض الله وجهك

نص جميل وشاعر بارع

تقبل تحياتي

صح لسانك

وبيض الله وجهك

صح الله السانك


قصيدة عانقة السماء بجزالتها وأبداعها

تحياتي لك

ربعي يا عزوتي ،،، ماوراء تكفـــــــــــــــــــــــى شئ ......