صدى غزة

البارحـة يومـن كـل نـام وآوى للسـبـات=أنـا عيونـي طـاردة عنهـا سفيـر رقادهـا
أليا طرالي قتل صهيـون النفـوس الآمنـات=حتى أمة الإسلام مـا تطـرد سفيـر بلادهـا
غزة تحت نار العدو في الصبح وألا فالمبـات=وحنا نشوف مسلسلات مهنّـد اللـي جادهـا
راحت لميس وجت لميس وصار فيها مناقشات=اللي يسمي بسمها واللي شـرى مـن كادهـا
وإخواننا في غزة اللي مات واللي لـو مـات=أهون عليه من الحياة اللـي دموعـه زادهـا
طبولهم صوت المدافع مـع دوي الطائـرات=وصوت إنفجارات القنابـل بالمنـازل زادهـا
وألحان أغانيهم من الحسرة صيـاح الأمهـات=صوت أُمهـاتٍ فاقـدة فلـذة وروح أكبادهـا
وطفلٍ فقد حضن أمه الدافئ ويديها الدافيـات=بعد الأمان اللي يحسـه مـن حنـان فؤادهـا
يقتل شيوخ وغيرهم شبـان وأطفـال وبنـات=وعجائـزٍ ماتـت سعادتهـا بمـوت أولادهـا
إليا اسمعوا صوت المدافع كلهم راحو شتـات=اللي سلم واللي قضت نفسه وجـاء ميعادهـا
أعداد جرحاهم أُلوف أعـداد موتاهـم مئـات=لكن راحت هدر من قـدر حسـاب أعدادهـا
يا أمة الإسلام ليش الذلّـة وليـش السكـات=إلى متى بنصيـر صيـدة للعـدو يصطادهـا
من بعد ما كنا نشيل السيف في كـل الجهـات=اليـوم صـار الـذل فينـا عـادةٍ نعتـادهـا
يا أمة الإسلام ليـش المـوت قـدام الممـات=الموت واحـد كـل نفـسٍ داخلـة بلحادهـا
ذروة سنام الدين ماغيـره خيـار الا الحيـاة=اللي علينا عـار لكـن مـن يقـود جهادهـا
لكن لاتطلب نصر وأنتـه مقصـر بالصـلاة=الدين مثل البيـت يبنـى والصـلاة عمادهـا
لازم نغيّـر حالنـا ونزيـل كـل المنكـرات=حتـى يغيّـر حالنـا المولـى بفـك قيادهـا
هنا هنا يا أكّالة الخنزير يـا ابنـاء الماجنـات=نبـا نحررهـا ليـا قمنـا وربـي رادهــا
والبارحـة يومـن كـل نـام وآوى للسبـات=أنـا عيونـي طـاردة عنهـا سفيـر رقادهـا