ما احد مدح قارون من كثر ماله = المدح ناله بالكرم حاتم الطي

ابدي بذكر الله وعزة جلا له=واذكر علوم جعلها تنفع الحي
شاعرمعبر عن هواجيس باله= تقبلوها شي والا بعض شي
ذكرت فيها علم كل سعى له=احد يصيبه صوب والبعض يخطي
المجد حيث المجد صعب مناله= ماهو بكثر المال والجاه والزي
المجد لاللي طيبات خصاله= ماهو لراع الظلم والبطش والغي
مثل الشجاع اللي طويلة اسباله = اليا تقدم للمهمات يشفي
يذود عن ربعه وتضفي حباله = على القصير وكل من جاه مبلي
مثل الكريم اللي بذل راس ماله=ليا جمع فالصبح فالليل يعطي
تكرم يمينه ماتعلم شماله=ماحد درى والله عن الفعل يدري
في ظل عايش والعرب في ظلاله= من يزبنه يدخل من الشمس للفي
وإلا الردي مذموم خله بفاله = انا لياشفت الردي ضاق صدري
مانع ضيوفه ثم محرم عياله=من زود بخله مابذل شربة المي
دور سليل المجد وانزل بجاله= واشرد عن الا نذال ياصاح بدري
ماحد مدح قارون من كثر ماله=المجد ناله بالكرم حاتم الطي

الشاعر حسين مريع العبيدي

صح لسانك وسلمت يمينك
قصيدة تستحق الاشادة لايصوغها الا مبدع
دام ابداعك


ماحد مدح قارون من كثر مالـه
المجد ناله بالكـرم حاتـم الطـي



صح لسانك وننتضر المزيد

قمة الروعة والجمال
صح السانك
وبيض الله وجهك

الاخ العزيز الغالي بعيد الشوح لقد اسعدني مرورك ونقدك واقول لاخوي الكريم كل الشكر لك
وكل التقدير لك وكل الود لك لقد كنت لي خير صديق لقد نبهتني على شييء كنت في حاجة له
اخي العزيز ان كنت مبدع فمنك تعلمنا الابداع لقد عدلت حسب تعليماتك جزاك خير وبيض الله وجهك

اخوي عامر صح بدنك ووجهك ابيض والروعة هي مرورك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وجهك ابيض

صح لسانك ملاييييييييييييييين


شاعر جزل اطرب لقصائدك


لك تقديري

صح بدنك اخوي ابوليلى تقبل شكري وتقديري

صح الله السانك


قصيدة عانقة السماء بجزالتها وأبداعها

تحياتي لك