00000000000 ( ياكبارنا ياعدود القن 0000 ياثقات منهُ يعدونه )00000000000

$
$
السلام عليكم ورحمة الله وبركاته

هذا المشتكى أرسلتهُ العام في ثالث أيام عيد الفطر المبارك أعادة الله علينا وعليكم وعلى المسلمين والجميع في خير وعافية وبأسعد حال وبال
المهم أرسلت المشتكى الى كلاً من:
1-العم الغالي ابوسالم الرحال
2- الأخ الغالي سعد نغيمش الأحمدي ابو طلال والذي أعتبرهُ أخ كبير لي
وكلاهما أعتز بهم و أستنير برايهم وأقتدي بهم

=العسال
ياكبارنا ياعدود القن=ياثقات منهُ يعدونه
يالسان للحق متمكن=وارد لقنه وقانونه
تنكرت والركاب اقفن=وعود بي الطيب لعيونه
جيته وفا والوفا مَمْكن=مسدوده الدرب من دونه
=الرحال
وصلت وابغى واستمع ماكن=فى شرح وافى بمضمونه
واللى عليه الحقوق تسن=كل الخلايق يدينونه
ومنهواعلى الطيب له مزبن=يبقى له الطيب فحصونه
وحنا بكم ما نسىء الظن=وكلاً له حقوق مصيونه
=العسال
مدري على مين 00 اشكي من=يوم الرفق اختلف لونه
اخلا قنونه 00 ولاثمن=حقه على اللي يدارونه
ويوم الوفا بين المعدن=جيته وزادت بي اطعونه
تغير اللون والمسكن=وعيا على الباب كالونه
=الرحال
محكم على الخمن وآخمن=واصدر قرارات متقونه
قدام الاخصام لاتبين=والكل يشرح لنا غبونه
واعلم تراه الأمر هين=ما يتعب عقول موزونه
لاتسير قاسى ولالين=كل شى يبغاله مرونه

=العسال
ياكبارنا ياعدود القن=ياثقات منهُ يعدونه
يالسان للحق متمكن=وارد لقنه وقانونه
تنكرت والركاب اقفن=وعود بي الطيب لعيونه
جيته وفا والوفا مَمْكن=مسدوده الدرب من دونه
=ابوطلال
يامرحبا عد ما دندن = ثول النحل تعجب لحونه
انا لتقديرك مثمن = ياحافظ العرف وفنونه
كلاً من الناس له معدن = وكلاً على معدنه لونه
وبالفحص يظهرلك المتقن = وحافظ على الطيب وصونه

$