سميت بسم الله منشي سحابه

السلام عليكم ورحمة الله وبركاته
هذي القصيده تعبر عن نفسها 0

سـمـيـت بـسـم الـلـه مـنـشي سحابه=هـوالـكـريـم الـلـي الـبـشر يرتجونه
كـفـيـل رزق الـحـي كـافــل شـرابه=سبحان من كون على الارض كونه
حـفـيـض يـوسـف مـن لـيالي غيابه=أمــره كــريــم وبــيـن كـافـه ونـونه
ومــن بـعـد ذكـر الـلـه مـنـي نـيـابه=فـي مـدح مـن كـل الـبـشر يمدحونه
حـرن تـعـلـى فـوق عـالـي هـضابه=ومـن طـاب يـذكر والعرب يذكرونه
ولا الـردي يــردي ولاحــدن درابه=وطـبـيـعـتـه عــنــد الـلـوازم تـخـونه
تخـــونـه الـــقـــدره ولابــه صـلابه=وعــن مـاتـضـنـه فــيـه تـلـقـاه دونه
دون الـحـراء يـلـقـاء عـطاه الخيابه=مـثـل الـوخـام اللي العرب يسهجونه
مـحـدن لـقـا فـي قـاصر الشوق ثابه=وش عـاد لـو تـبـرق وترعد مزونه
ولا الـــوفــي بـالــلازمـه يـنـهــقـابه=ويـجــمـل الـلي فــي وفـاه يـهـقـونه
هــذاك مــقــحــم جـاره الـلـه وثـابه=أبـو عـبـدالـلـه بـالــوفـاء يـاصـفـونه
أجــاره الـلـه مــن لاهـايــب عـذابه=حـيـثـه مـن الـلـي طـيـبـهـم يـبـذلونه
هذا وعساها طلبتن مستجابه=حيث أنت يامقحم لقولك تصونه
طـولـة يـمـيـنـك مـاعـلـيـهـا الطلابه=لـلـطـيـب طالب ونـت مـن يـطلبونه
والـحـر الاشـقـر يـفـرقه عن غرابه=طـيـبـه وفـعـلـه والــطــبـيـعه ولونه
وعـلـيـك مـن حـرن تـعـلـى الرقابه=ومـن حـصـلـو حـيـصول يستاهلونه
تـاج الـشـرف مـقـحـم كـسـنه أثيابه=مـجـدن عـبـر تـاريـخـهـم يـارثــونه
طـبـعـنـلـهـم مـابـه عـلـيـهـم غـرابه=مـن طـبـعهـم كـل العـرب يـعرفونه
يـابـن الـحـرار الـلي عزيزن جنابه=وفــيــت يـالــوافــي ولالـك مـهـونـه
مـرقـن رقـيـتـه مـابـه أحـدن رقـابه=بـعـسـره طـلـبـنا وحـال مـرقاه دونه
وكـم واحـدن قـبـلـك نـصـيته وهابه=ومــع كــل بــابن جــوه مـايـاصلونه
ومـقـحـم صعد له في عسيره وجابه=من روس ربـعـن ضـيـفهم يكرمونه
وربـعـه تـيـاديـنـن عـصـاتـن أذيابه=وعـــدوهــم يــوم الــلـقـاء يـدمـرونه
يـتـلـون بـن جـلـعـود مـتعب أركابه=الـنـاس بـــن جــلـعــود مـايـجـهـلونه
شـيـخن نهار الكون يحسب أحسابه=وتـرعـى مـداهـيل الجوازي أضعونه
ولا يــقــدم الا مـن يـحـل الـنـشـابه=وقــولــن مـن الــواقـع يـغـذ الـمرونه
وهـذا الـصـحيح وراوي العلم جابه=ولا دورهــا مـــن الـنــفـوس الـمنونه
وربـعـه الـسـهول مغمقين الاصابه=ودم الــعــداء يــوم الــلـقـاء يـنـثـرونه
وفـرق الـرجـال أعـقـولـها ماتشابه=وكـلـن مـثـل مـاقـيـل يــمـشــي بشونه
يـســيــر فــي دنـيـاه يـتـبـع هـبـابـه=ويــســيــر بـــذن الـلـه مـايـسـيـرونـه
وكـلـن عـلـى حـقـه تـضارس نيابه=قــلــتــه ولــو كـل الـعـرب يـفـهـمونه
واخـيـر مـابـالـعـلـم حـكمة صوابه=ونــهــيــت مــاقـلـتـه على حرف نونه
وتـم الـجـواب وفـي خـتـام الاجابه=صـلــو عــلــى الـلـي دل مـن يـتبعونه

صح لسانك
..
..
أسجل اعجابي بالقصيدة
..
ويعطيك العافيه ..

الأخ سالم الفريدي

صح بدنك يالطيب

شرفني مرورك الكريم

صح لسانك وعلا شانك
ويستاهل والطيب يستاهل المدح كله
وإلا الردي يردي ولاحـدن درابـه !

الأخ الحميدي المخلفي

صح بدنك أسعدني مرورك الكريم

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك على هالقصيده القيمه
ومن حصل شئ يستاهله00
بانتظار جديدك الممتع00

صح الله السانك


قصيدة عانقة السماء بجزالتها وأبداعها

تحياتي لك

صح السانك وبيض الله وجهك وقصيده معليه كلم اخوك اسير الشوق

اللهم صلي وسلم على رسول الله

الأخ الشاعر محمد بن درمان

بيض الله وجهك على هذا الوفاء والأخلاص لذكر الطيب واهله

ابدعت في النظم واوفيت لأهل الطيب وذكر محاسنهم

وهذا يدل على طيب معدنك يالغالي

صح الله لسانك

تقبل اجمل التحايا

ودمت بخير