تبعا تغلا مير بدري عليها""""وتبغا تغلا مير ماهي طويله

اعتذر عن الغياب


الذي كان بسبب فقد الرقم السري

تبغى تغلا مير بدري عليها = وتبغى تعلا مير ماهي طويله
ماعاد ندري ويش تثمر يديها =يقطعك يابذرة يدين البخيله
ان روحت والله مانرتجيها = طرد المقفي عند ربعي فشيله
لاحول ياقلبن تقطع يبيهااااا=مايعجبه نوم العرب كل ليله
ياقلب لومانمنعك ماتجيها=تنزل ركايبنا على امر الحليله
الموت والسم الحمر في حديها=والهون فالاخرى ورا كل ميله
عامن مضى محبته نشتريها=ونبرك لحملن غيرنا مايشيله
يابنت كلمه قلتها لحتميها=لو ساق في حضن السراه ارتكيله
ماوالله اذكر بالردى نبتيلها=حنا خلقنا الله لاجل الفضيله
في مشلحي عن برد طابه نقيها=والوم نفسي يوم تصبح عليله
وبالصيف من خوف اللهب يشتويها=تركب على ظهر الصبور الاصيله
ظلن ظليل ليا مشت نحتويها=من خوف تلفحها السموم الثقيله
اليا انظرت نظراتها مانعيها=واقول بان البنت هذي حليله
واثري غشيم وليتني مرتويها=قبل الرحيل اللي تخفا دليله
يابنت كل عروق تركي خذيها=حياه من دون المحبه جميله

الله

الله
على هذه القصيدة الجزلة الغير مستغربة من أهل الجزاله

الحمد لله على السلامة يالشاماني

و انتبه للرقم الجديد ههههه

والله ياحميدان انه صعب والظاهر بيلحق اخوه




بيض الله وجهك على مرورك الكريم



لاهنت

صح لسانك يا النشمي

وبيض الله وجهكــ

الله الله الله

ياتركي بيض الله وجهك جزله من جزل الله يعطيك العافيه

مجنووووووووووووون تركي ...

واو تركي صاير روميو بدوي بس :)

؛
؛
؛

عجبني أخر بيت ... ابدااااااااااااع يا خيوو ...

صح لسانك وسلم قلبك ...

وحقق الله مرادك ...

ووفقك ...

أوركيدا لكَ ...

صح السانك قصيده جزله
الله يعطيك العافيه

ماعاد ندري ويـش تثمـر يديهـا
يقطعـك يابـذرة يديـن البخيلـه
ان روحــت والله مانرتجـيـهـا
طرد المقفي عنـد ربعـي فشيلـه


صح لسانك والله يعطيك العافيه

صح لسانك وعلا شانك وبيض
الله وجهك
دمت بكل الود والخير ...

صح لسانك مليون على القصيده
والله يعطيك العافيه
بيض الله وجهك