( يوم القيامه )

احذر يانايف كان تطغى على الناس= ترى الضرر طبعه يجر الضراير
وراع الخطا لو عاش محمي من الباس= لابدها ضده تدور الدواير
والله رقيبك يوم الاقراب نعاس=والله يعلم ماتكن الضماير
والحسد عادة شخص واشي وبلاس= يحرق صدور الناس حرق السجاير
والغدر للخوان حيله ونوماس= هذاك في صدره لهيب السعاير
لولاه مايسطي على كليب جساس=ويجبر عيون القوم تذرف عباير
والطيب خصله ماتثمن بالالماس= ابليس منها ياابن الاجواد غاير
وطبع العفو والجود مع رقة احساس= ماتجتمع في قلب قاسي وجاير
ومن اتكل بخلاص مايعرف الياس= واللي انكتب فاللوح صاير وصاير
واحذر يانايف كان تطغى على الناس=واعمل ليوم ٍ فيه تبلى السراير

الشاعر/ خالد بن عبيد بن معتوق الاحمدي

صح لسانك يا النشمي ..

وعز الله إنها وافيهـ من وافي

وعشت وعاشت ايامك ..

ابو بتال

اخي ابو بتال
صح بدنك ياالقرم يابن القروم النشاما
سعدت بمرورك

سلمت عزيزي

صقر المراقيب

بيض الله وجهك

وصح لسانك

صقر المراقيب

ابداااع راااائع ونصح راااائع

بيض الله وجهك وصح لسانك

وبارك الله فيك

تقبل اجمل التحايا

ودمت بخير

صح السانك وبيض الله وجهك صقر المراقيب

قصيده جزله ومعناها سامي

لاهنت

الشاكر ابو سامي
الف
الف
الف
شكر لك على مرورك

اب خير الله
الف شكر لك على مرورك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحب الباقي
صح بدنك