يوسف الأحمدي & صلاح وارد المطرفي (الوارد)

السلام عليكم ورحمة الله وبركاته
جرى هذا اللحن بتاريخ 4/1/1428هـ
=
=
=

يبن ابراهيم وقتي جار =ومن بعد الأفراح بكاني
أشعل فقلبي لهيب النار =ومن كاس الأمرار أسقاني
=صلاح وارد المطرفي
فالوقت هذا كثير أكدار =منه أشتكى قاصي وداني
وراع العزيمة لديه إصرار =مهما يقاسيه ويعاني
=يوسف إبراهيم الأحمدي
جيران والدار جنب الدار =وفي كل ميقاف يلقاني
وفي لازمي قدم الأعذار =وأقفى ولليوم ما جاني
مثلك نعده من الأخيار =اللي لهم فالوفا شاني
للجار عند العرب مقدار =أوصا به الدين بحساني
=يوسف إبراهيم الأحمدي
حاولت أبررله اللي صار =تبرير من عمق وجداني
فعلاً لقيته يزيد إصرار =ماهو على الوصل شفقاني
=صلاح وارد المطرفي
مهما من الجار جات أضرار =ورد الوفا منك نكراني
اجعل من الطيب لك شعار =ومن يفعل الطيب كسباني
=يوسف إبراهيم الأحمدي

للجميع تحياتي