حصريه!!!

ياذيب وان طبيت دار الغنم عيش=واخسى ليا مريت دار النمارا
وياصقر طير وطير ثم افرد الريش=وافزع ترى سمنت بعدك الحبارا
تنعق بعدنا حايمات المغابيش=وتكبر بعدنا صارخات النهارا
يامسلمين الله هوى قدرنا ليش=عند الصليب اهل الخنا والدعارا
ماكن عرضن من تلاعيبهم نيش=ولاكن في الاجواد من قبل عارا
حالو على دارن سكنّابها طيش=لين اسفحو دم النقا بالعذارا
ماكن فالديره بعد حولو جيش=ولاكن في روس النعارا نعارا
يالقدس صرنا للملاعين تمشيش=والاّ ورا مايهدمون الجدارا!!
اليا صرخ بغداد ماقلت له ويش=اصم وابكم لو تعادوا جهارا
وادارنا صرنا عليها معاطيش=وادارنا خير الهواء والديارا
ماهي براس الضبي..مابه معاريش=من دونها قصف العنى والعمارا
حتيش لو هنا من الوقت حتيش=بكره يمين القوم تصبح يسارا

صح لسانك واعتلا شانك..
قصيدة جميلة تعبر عن واقع الامة المر
وعقبال مانسمع قصائدك في الانتصارات
الاسلامية المتلاحقة..




تحياتي لك

الله الله الله

تركي الشاماني

مبدع بكل حالاتك

قصيدة جزلة وراااائعة جدا

صح لسانك وبيض الله وجهك

تحياتي لك

تركي الشاماني

اسم ارتبط بالابداع والجزاله

قصيده جزله ياتركي

صح لسانك ملايييييين ولايكفون

تحياتي

تركي الشاماني صح لسانك وبيض الله وجهك جزله من جزل

ولا هي غريبه عليك الجزاله الله يعطيك العافيه

صح لسانك ياتركي وبانتظار جديدك

صح لسانك اخوي
و احنا في انتظار مثيلات لها
دمت في حفظ الرحمن

صح لسانك ..
..
أسجل اعجابي بالقصيدة
..
ويعطيك العافيه ..

الله الله


صح لسانك وبيض الله وجهك


قصيده امتعتنا بحق

صح الله لسانك
ولاهنت
وسلم فكرك وبنانك
دمت برعاية الله وحفظة