زرت المدينه على شان الحروب

حبيب العازمي=
سلام ردة وفى لهل الوجوب=اللي بنت للضيوف احلالها
زرت المدينه على شان الحروب=شفت المدينه وشفت ارجالها
صياف الحربي=
يامرحبا فالشمال وفالجنوب=وحدودنا الثانيه يبقى لها
زرت المدينه وسديت الدروب=ناسن جماعه وناس الحالها
حبيب العازمي=
ترى حسابك من العصر امحسوب=جيناك بقصارها واطوالها
ازيارتي خففت عنك الذنوب=اللي عن اهل البلد مشتالها
صياف الحربي=
احسب حسابك لعميان القلبوب=اللي يجيب الخبر مرسالها
الشمس تشرق ويقفاها الغروب=والبدو تهدر عليك اجمالها
حبيب العازمي=
انا اعرفت السروق امن الغيوب=ناد الحضارم واطيب فالها
وان راحت السالفه سحبه سحوب=خل الحصاني ترز اذايلها
صياف الحربي=
المسلم اللي ليا خالف يتوب=اضله الارض تحت اظلالها
يالعازمي ماعلى المركب ركوب=رحف دقاق العلوم اجدالها
حبيب العازمي=
نبا نرجعك راضي وامغصوب=لاتاصل امسيفره وعيالها
خلك على حيد حربي وامحروب=الخيل تعرف عصى خيالها
صياف الحربي=
ماني مخاويك والديس امحلوب=رجع حليمه على رجالها
منت بضاري لتفتيش الجيوب=ترجع عتيبه لروس اموالها
حبيب العازمي=
حكيت راسك ونفحت الذروب=تبا تشيل الهدى وجبالها
حنا ليا شبت الهيجه شبوب=سوي البلا عندنا ياهبالها
صياف الحربي=
انكان هبت على راس هبوب=جتك الشوارب وانا فتالها
قوم انفخ النار لكبار الجلوب=اللي تقهوى بغير ادلالها
حبيب العازمي=
نبا نخض اللبن حتى يروب=فتالها انتا وانا حلالها
اولع النار والقاسي يذوب=والشاذليه يجي فنجالها
صياف الحربي=
يضلم الليل واضيع الذهوب=لو تكثر اخفافها واثقالها

من تسجيلي والقادم أجمل=