يا ملاك الغيد حطيني تحت جنح الظلام

بسم الله الرحمن الرحيم
السلام عليكم ورحمة الله وبركاته
أضعها بين أيديكم عسى أن تنال إعجابكم

يــــا مــــــــلاك الغيد حطيني تحت جنح الظلام = مـــــــا بقى فيها حياة ولا بــــــــــقى فيها ممات
اسمعيني يـــــــــا عسى تعيشين في خير وسلام = ولــــعي شــــمعه وجيبي بـــس قرطاس ودوات
باكتب اللي وســـــــــط راسي لاجل يبقى للدوام = مـــــا طلبت بــمــــا كتبته مــن قصيد أية هبات
مـــــــا عرفت الخمر ولا من خلقتي ذقت المدام = أعـــــــرف إن العز عقلً وأســـــــأل الله الثبات
والصبر طبعً حميد .. إن صـار للـهـــم احـتـدام = شــلت همي وســط صدري عن عيونً شامتات
مــــا ارتفع شــخصً تكبر كـلـنا( خلف الإمام ) = والـردي تعرف رداتــه مـــن وصوف وميّزات
عـــشـت وقتً به ســـــــراة القوم تـشــبه للعوام = نـاس تاكل بعضها فـــي وقت هو وقت الشتات
شــــــفت واطين القدر في مســـتوى عال المقام = كـــل واحد شـــاف نفســـه وأكثر أكثرهم فتات
يــــا قصيدي وإن زهمتك قــــوم واحسن بالقيام = أنت بـعـد الله دواي إليا شــــــــكيت المعضلات
لو ســـألني شخص عني قلت بأحســــن ما يرام = والبـلاء في داخل الخافق لــه أوصاف وسمات
ليلة البــــــارح وعيت وكــــــــل خــلـق الله نيام = أتطلع بالنجوم الســــــاطعة وأبغى الســـــــــبات
كن صدري جرهدً تطلب مــــــــــــن الله الغمام = من ثمان سـنـيـن مـــا ينبت بـــهــــــا أيــة نبات
للهموم بوســـــط صدري حشــر وزحام وركام = كـــــــن صب الهم فيني مثل دجـلة و الـــفـرات
الفرح فيني بخيلً وأغــلــب هــمــومي كـــــرام = ما يحسبن العطايا من حزون و مشــــــــــكلات
يــا هـمـوم الوقت ياللي داخلي عــــــامً وعــــام = لا شــــكيت مــن الهموم الغبر شـفـت المظلمات
نـــامت عيون البشر وعيوني تـسـهـر مـــا تنام = من سبب هـــــــــــمً على صدري يهز الراسيات
قـلـت أبصبر لين هـمي يـنـتـهـي .. والـهــم دام = وش يسوي واحــدً مــا لــه عـلـى هــمه ســــواة
يا ملاك الغيد هــــاذي كلمتي وأقصى الــمـرام = خوذي ( إبداع القصيد ) وخـلي (إزعاج الهواة)

وسلامتكم

سلطان السليمي


صح السانكوسلم بنانك


حضور مشرف

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

سلطان السليمي

ياسلامي عليك م
للهموم بوسط صدري حشر وزحـام وركـام

نص رائع وجزل

صح لسانك ودام ابداعك

سجل اعجابي ومتابعتي

صح لسانك

وسلم بنانك

وبيض الله وجهك

يا ملاك الغيد هاذي كلمتـي وأقصـى المـرام
خوذي ( إبداع القصيد ) وخلي (إزعاج الهواة)


كلمة مبدع أقل مايقال لشاعر ينظم مثل هذه المفردات النادرة

صح لسانك أخوي سلطان وسلمت يمناك يالغالي

ذيب الكهفة

صح بدنك وشاكر لك مرورك المشرف


تقبل احترامي

ابو روان النويمي

صح بدنك والله يعطيك العافية

شاكر لك تنسيق القصيدة

جزاك الله خير

تقبل احترامي