لو ان ماني ذيب بعيون الاشناب....

اخواني الأعزاء أضع بين ايديكم هذه المتواضعة
.
.
.
.
ارجو ان تحوز على رضاكم وارجو ان ترتقي الى مستوى ذائقتكم الشعرية

الله من قلبٍ من الهم منصاب=مما جراله في زمانه وصابه
دنيا بها الطيب ورا الحق طلاب=ويعيش فيها اللاش مكْرم جنابه
ماهمني كلام حاسد ونصاب=و اللي كلامه كذّب ما أحسب حسابه
لو فيه خير ان غبت ماقام يغتاب=وقدام عيني مانطق ربع جابه
همي بها من هم عكفان الأشناب=يوم الردي ماهمه الا زهابه
صبرت لين الرأس مما جرى شاب=من شافله شايب في أول شبابه
ماكنْي الا ذيب في رأس مرقاب=له هيبتاً تردع جميع الذيابه
وحوّل من المرقاب عقب الشفق غاب=يبغى عشاه من الشواوي نهابه
من قو عزمه ماتردد ولا أرتاب=ضاري على قطع الخلا مايهابه
لكن تعرض للمشاكل والاصعاب=رماه تفاقٍ غدربه وصابه
وأقدم ولاهو حاسبٍ للبلا حساب=لو ماتلائم جرحه اللي سطابه
عنيد لامنه بغى شي ماهاب=ماحط في رأسه وصله وجابه
واليوم دونه مقْفله كل الابواب=بحديقة الحيوان ماله مهابه
لكم الكرامه جنبه قرود وكلاب=يجر صوته مار محدٍ درابه
عزيز قومٍ طاح بيدين الاجناب=وحظه عل نقرة حضوضى رمابه
وقعت مثله من مقادير الاسباب=في فك حظْي بين ضرسه ونابه
جرى علي من المشاكل والأتعاب=مايخلي الرجال يفقد صوابه
ووقفت مثل الزير وكليب وذياب=يوم الردي لاطاح شقق ثيابه
لو أن ماني ذيب بعيون الاشناب=ما أخذت قسمي من يدين الذيابه
العز سيفي والشجاعه له انصاب=وانا وحيد وهاجموني عصابه
لو مامليت افواههم طين وتراب=ما كان فكيت النْشب والطلابه
حاربتهم لين انفتح للفرج باب=وقطعت رأس الشّر وأغلقت بابه
نجحت ما أستفزعت بأعز الأصحاب=لو أن ليه بالمواقيف لابه
لو أنتخي بأصغرهم يفز ماهاب=ورجْاَلهم وقت الخطر ينتخابه
حروب لرد البراء بين الاحزاب=ربعي قبيلة حرب يوم الحرابه
للخيل خياله وللجيش ركاب=وجمع العداء وقت اللقا مانهابه

أخوكم/فهد بن سعد السليمي

صح لسانك يالذيب

وبيض الله وجهك

الله الله عليك

صح لسانك


قصيده رائعه وتستحق الاعجاب من شاعر متمكن


لاهنت

الله الله
ماشاء الله عليك يامبدع

صح لسااااااااااااااااااااااانك و بيض الله وجهك

صٍْحٍّ لسٌِِّآنْكَ وٍسٌِِّلمً بٌَِنْآنْكَ

قٌٍصٍْيَدًٍة رٌٍوٍعًٍهٍَ بٌَِرٌٍوٍعًٍة حٍّضًٍوٍرٌٍكَ

دًٍمًتُِِّْ بٌَِخٌِيَرٌٍ

ومن قال سالم و غانم

صح الله لسانك

لا تعليق مررت للمتعة التي أجدها دائماً في قصائدك



صح لسانك



تحياتي لك

	المشاركة الأصلية كتبت بواسطة مشعان الحربي

	صح لسانك يالذيب وبيض الله وجهك

مشعان الحربي
.
.
صح بدنك يالغالي
.
.
شرفني مرورك العطر
.
.
.
دمتــ بود

	المشاركة الأصلية كتبت بواسطة ابوراكان

	الله الله عليك صح لسانك قصيده رائعه وتستحق الاعجاب من شاعر متمكن لاهنت

اخي العزيز:ابو راكان
.
.
.
الرائع هو مرورك العطر وثنائك الجميل
.
.
دمتــ بو

	المشاركة الأصلية كتبت بواسطة فارس عوف

	الله الله ماشاء الله عليك يامبدع صح لسااااااااااااااااااااااانك و بيض الله وجهك

[align=center]أخي العزيز: فارس عوف
.
.
.
صح بدنك يالغالي واشكرك على مرورك الجميل
.
.
دمتــ بود[/align]