مساجلات شعريه

سليم سعود الجابري

يا سعد الدومان نومي تقاطيش

مدري وش اللي يابو تركي لفاني

من البارحه مقفولةٍ معي بالشيش

من حلم مدري علم بالليل جاني

سبب لقلبي يابيض الوجه تشويش

ولخبط عليّه ياسهيل اليماني

علمٍ سلب فكري سوات الحناتيش

اللي منوّل تسلب المودماني

ارجو لعله حلم ويكون فالريش

ولاّ يكانه علم زعزع كياني

بيني وبينك لايصل للمرابيش

الاّ الحصان اللي سواتك حصاني
@@@@@@@@@@@@
سعد المحمدي
ماباس يامرسل على المغابيش
قبل الشروق وبعد وقت الاذاني

ابيات مدري ويش والا على ويش
متعاكسات اهدافهن والمعاني

مايحملن موضوع راعي مطاريش
مابين راع السانيه والسواني

يالجابري حتى بروس المناقيش
فتشت حتى نوم عيني غزاني

وبكره قبل جول القظى ينفض الريش
من الرويس اجيب لك علم ثاني

سداد لو يطلب على الحلم بخشيش
ماعنك صده يالله المستعاني
@@@@@@@@@@@@
مساعد عشبان البلاجي
سر ياقلم طرش على الطرس تطريش

قافن سمعته يوم ربي هداني
حبيت اجاري محكمين النواتيش

زحول الرجال اهل البيوت السماني
العلم واضح مايبي زود تغشيش

مثل القمر نوره عيانآ بياني
يالجابري ماجاك خوذه على شويش

دنياك هاذي ماعليها ظماني
عطيت روس أقلام توضيح مافيش

يمبيك عن ماقلت منطق لساني
اشوف ابو تركي بداله مناويش

يبا الرويس يحل سبع المثاني
والثوب لاجاله من المي ترطيش

لابد ماينشف على المودماني
بشايت المعبود منش المراشيش

نفك عسر ارموزها في ثواني
وثني لبو تركي مرو المعاطيش

شاعر قبيلة حرب ماض الزماني
شاعر فحل مايلحقه بالزمن طيش

زيزوم حرب ولايحب الطماني

@@@@@@@@@@@@
سعد المحمدي
بالقلب مثل المطرقه والشواكيش
وزاده مساعد يوم قافه شعاني

ذيبٍ ماياكل زاد نصه عراميش
ماياكل الا من فقار السماني

لو مانقاط التهديه والتفاتيش
من الشبيكيه وصل للمحاني

مدام براق المزون المراهيش
حجاز وانته حول ساحل عماني

ماتاصله من داركم ضمر الجيش
لاتشد حبل حقابها والبداني

ادري فدوك من الرجال الدراويش
مانته بحاجه راي قاصي ودناني

وجهة نطر لا تشبك الفيش بالفيش
وانته يابو عشبان جملة خواني

ذاخرك ويضرب فيك حمر الطرابيش
في يوم عشر الاش ترجع ثماني

واللي مخدش ثومة القلب تخديش
اكيد مايجهلك يالمكلماني

مقارنة طر الرهو والخفافيش
بحرٍ تعلا فوق روس المباني

ومحنطٍ عشش بالافكار تعشيش
وطويرةٍ بين الخطر والاماني