ســلام مثـل القمــر نـوره

ســلام مثـل القمــر نـوره=ضافي يشعشع من الوجدان
من نفس بالحيل مسرورة=بعد انجـــلا والمصافا حان

سلام سلام
يالافي
صح لسانك:

يامدونٍ صادق شعوره = يالشاعر الفاهم الفنــــان
بنعيش وياك بالصورة = ونزيدها سامري واللحان

الشاعر



لافي



صح لسانك و بيض الله وجهك

لي نفس للطيب مأسورة=تبغى الصفا والصفا ما زان
وقلبي على حسب مقدوره=والله عني والكريم معان

لابد لأمرالصفا دوره = وبعدالعجاج الفضا يزدان
ويعجبك بدر المسا بنوره = والنجم لك يبتسم طربان

دمت عزيز يالافي

لو ملة الروح معذورة=عنيتها والأمــل ما بان
بين الهواجيس محصور=في القلب ومقفله البيبان

يالافي الروح مغروره = وهواجسك مالها برهان
ابليس لاياخذك شوره = عَــوّد ترى كلنا أخــوان

والله يشهد علي أنك عزيز يالافي

السلام عليكم ورحمة الله وبركاته
حيا الله
لافي وفتى البعايث وفارس عوف
والله زمااااااااااااان ولكم وحشة
وتقبلا مني هذه المشاركة
ولو ان الأمر يستدعي هجوم
لكن بنخليه هجوم بالذوق

ترحيب يا حايز الكورة=في القول تمشي على الميزان
رسالتك جات ممهورة=بزين المعاني من العنوان

الله يعز مقدارك - والله والنعمين بك

لا يا فتى النفس مأموره=والله يجيرك من الأحزان
والرمي توسيق ماصوره=أشوف بندق بلا نيشان

هلا وغلا بيان الصمت ؟؟؟؟؟؟؟؟

تبقى عسى النفس منصوره=نعم الخوي والصحيح يبان
ولابد الأيام من دورة=تكمل بعد تذرف الآوزان