مبايعة مقرن بن عبد العزيز

هاذه بمثابة مبايعتي لصاحب السمو الملكي الامير مقرن بن عبد العزيز حفظه الله

ياسلام الله على حكم مجود ساسه = من بنى بيت المعزة معتني بالساسي
المعلم قبل يبني كل علم قاسه = واعتنى في بنيته بالوزن والمقياسي
اسسه ملك حواها معرفة وسياسة = قوة ورحمة وفي كل الامور سياسي
اسسه شهم وطى درب الخطور وداسه = لين مهد كل رجم وكل ضلع قاسي
اسسه حاكم عظيم وفكرته من راسه= واصبح البيت المشيد في القواعد راسي
انه من قدعدل في رحمته مع باسه = عون للمظلوم للظالم شديد الباسي
انه من قد عرف في خبرته واحساسه = لانظر في الرجل يعرف خافي الاحساسي
انه عبد العزيز اللي رحل عن ناسه= والذكر بالخير باقي مع جميع الناسي
حاكم في الحكم عنده موهبةودراسة =واخلفوه رجال منهاجه لهم نبراسي
كل ماقام الخطر فينا يدق اجراسه = يتصدى له مليكِ يطفي الاجراسي
شوف ابو متعب ترأسنا بحسن رياسة= في العرب يامر وينهى والقرار رياسي
وشوف سلمان ان جلس ماقام من مجلاسه = لين يصدر خير للامة من المجلاسي
وشوف مقرن حاذيا حذوه بطيب انفاسه = انني بايعت مقرن طيب الانفاسي
كل حكمِ من بعد قوة يبين فلاسه= وحكمنا بوجودهم مايعرف الافلاسي
هم لنا حكام واحنا للحدود حراسة = والوطن في حمابة الحكام والحراسي
قاله اللي مخزي الشيطان مع وسواسه= قبل يبدأ قال عوذ الله من الوسواسي

حسين بن مريع العبيدي
شيخ قبايل وقرى ابي ضباع

صح لسانك بيض الله وجهك

	المشاركة الأصلية كتبت بواسطة صلاح الحيسوني

	صح لسانك بيض الله وجهك

حياك الله اخوي
صح بدنك وطال عمرك ولك تحياتي

صح لسانك يابوماجد عادتك الوفاء بيض الله وجهك

	المشاركة الأصلية كتبت بواسطة ابوهليل

	صح لسانك يابوماجد عادتك الوفاء بيض الله وجهك

حباك الله اخوي ابو هليل صح بدنك وطال عمرك
لك شكري وتحياتي

الشاعر حسين مريع
صح لسانك
والامير مقرن
يستاهل الثقه الملكيه

	المشاركة الأصلية كتبت بواسطة سعد المحمدي

	الشاعر حسين مريع صح لسانك والامير مقرن يستاهل الثقه الملكيه

الشاعر سعد المحمدي صح بدنك وطال عمرك ولك تحياتي

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك ووجهك ابيض
تقبل شكري واحترامي

واشوف مقرن حاذيا حذوه بطيب انفاسه -انني بايعت مقرن طيب الانفاسي

الامير مقرن النفس ماشا الله ريح عود كمبودي
صح لسانك ياشيخ