مردود

خليفة المزروعي=
سلام عد الثمر لاصاف =وعداد مايحمس البني
شاعر ولاشي عليك اخلاف=لك بدع بلحيل يعجبني
حامد الذروي=
يامرحبا بالعدد اضعاف=واعداد من زار ويثني
وانته بعد وايق المشراف=يااستاذ واديب يافني
خليفة المزروعي=
ان كان تسمح بخذلي قاف=وانت على الهجس والضني
شكواي من حال فالأحلاف=الوضع ماهو مطمني
حامد الذروي=
الصف لامن غزاه اطراف=ولافيه عاقل ومتأني
لابد ما يلعب الغرياف=وكل بالاحوال متعني
خليفة المزروعي=
سلك الخطر بالعيون ايشاف=واجراس الأخطار بترني
وان جات للعقل والأعراف=انهد والعالم إتبني
حامد الذروي=
لازال باقي ترا عراف=وباب الرجاعنه ما كني
ولو الخطر للعيون اصناف=-لله حكمه ونستني
خليفة المزروعي=
دين ولغه والقلوب انظاف=وجيران والكل متهني
تحذف كذا حذفة الحذاف=وعدأنا اتشوف وتغني
حامد الذروي=
اضنها قرصة الميلاف=ومشاعر الود يأبني
مثل السحابه مع المصياف=تمضى ولو رعدها دني