( انته وانا من حرب عزّ لوطنّا ) ....مساجله

/
/
/
/
/
/
/
/
/
/
/
/
/

بدع الشّاعر/ متعب الصّاعدي=
للاحمدي نسل الرّجال المناعير=اللي على العدوان سيفٍ يسنّا
بكتب سلامي وارسله معك ياطير=وارجوك ياطير السّعد لاتونّا
الحال ياخالد مع الصّوم تكدير=اشكي عليك الحال وانته جملنّا
من عقب ماكنّا جماعه مناعير=جانا رسول الشّر فينا ومنّا
جانا بدلوه قاصدٍ جمّة البير=عقبه مشاريب العرب ماصفنّا
العرف جو ٍ زاد فيّ المعاصير=كل ٍعلى دعواه محدٍ تثنّا
العام زرعه من خيار النّواوير=واليوم يابن عبيد زرعه تدنّا
لمّ الجماعه مثل جبر المكاسير=مشكور سعيّ اللي سعابه تعنّا
هذي ترى شكواي بالله ياطير=شيل الجواب وقوله اليوم عنّا
ردّ الشّاعر/ خالد بن عبيد بن معتوق ألأحمدي=
لصّاعدي نسل الرّجال المشاطير=قومٍ عداها بالفرح ماتهنّا
يامرحبا قدّام لاطيرك ايطير=ياشاعرٍ شفّر قصيده وغنّا
والصّوم فيه الاجر وابشر لك بخير=واسعى معك لاصار علمك وصلنّا
واللي على لمّ الشّمل حرّ وايغير=يقطع على قلب العدو ماتمنّا
يسقى عدوّه سمّ ممّا به يثير=وهذا جزا اللي بالقرايب تجنّا
والعرف ميراثي وله قيّ تاثير=نجعل تفاءلنا بلحظة زعلنّا
وبعض الضّروف تكون لذّنب تكفير=وياالله لاتخيّب عملنّا واملنّا
وللصّف قوّه تكسب النّاس تقدير=وانته وانا من حرب عزّ لوطنّا
واللي حسب لحساب منكر مع انكير=يعمل بطاعة خالق انسٍ وجنّا