مادام الدين رايدنا ترى كل الثقال اخفاف

يقول الشاعر اللي هاض فكره ثم قاد القاف = وسوا له مثايل ماتحير في قوافيها
بدعها ثم غناها وهو في عالي المشراف =تهيض ثم هيض من سمع صوته يغنيها
نظرفي حالناا الحاضروشاف وشاف ياماشاف= اخذبعض الفعايل ثم قارنها بماضيها
ولن الفرق شاسع في طباع الناس والاسلاف = يشوف الخير وافر والعرب كثرت بلاويها
تزاوج بالمثاني والثلاث وناوي الارداف = ولاهو رادع النفس العليلة عن شهاويها
يالين يحط الاربع ثم شال اللي ماهي ميلاف = = وسرحها وجاب اللي تعلق خاطره فيها
ولن النسل واجد والامور ملحفة بلحاف =ولوفتشتها تلقى التعاسة في خوافيها
سبايب رجل هايم ماعمل بالعدل والانصاف =معقب له سرايا سايبة ما هو مراعيها
ولا هو سايل عنهانجت والا عليها خلاف =ولو تسال عن الاسما مضيع بعض اساميها
وهذا الامر حاصل في ربوع المدن والارياف =لوان الاكثرية ماتخلت عن مباديها
صحيح ان التزاوج حلله ربي ولاينعاف = لكن الله يقول اهلك رعية وانت راعيها
تبي منك الرعاية والادب والبذل دون اسراف = وتبي تعليمها للدين وعلوم تعليها
عطاك الله حمايتها عليك الجهد والاشراف = تحابي ذا وتنهىذا وبافكارك تقديها
وهذي حالة الوالد على حال اسرته وقاف= يوجهها ويطلب من ولي العرش يهديها
يلاعب من في سن اللعب حيث ان الصغار ضعاف = ونفس وصلت السبعة بدا الوالد يربيها
ومنه قام بالواجب على حال اسرته ماخاف= علينا نجتهد والباقيات الله يسويها
مادام الدين رايدنا ترى كل الثقال اخفاف = مقاصدنا من القران ناخذها ونعطيها