خيوط الحرير؟........................................... ........................

ياتابعٍ برقٍ لناظرك شاقه=مامطر على دارك ولا لج برعود
لا .لايغرك حرف كله لباقه=وتظن ظنن مايجي لك منه زود
لاتقتفي حيٍ قفت عنك ساقه=وتصير لهل العلم والعرف منقود
مادام مابينك وبينه علاقه=ولا لك معه جملة مواثيق وعهود
الشيك يصرف حسب رقم البطاقه=ولاينصرف شيكٍ به الاسم مفقود
وقديم قالو علق مابه علاقه=مايشيله الا حي بالناس مقرود
وانا افهم المعنى ولافي عاقه=اطرز معانيها على سلك ماهود
اللين في وقت الليان برفاقه=ووقت القسى فيني من جبالها السود
انعم من خيوط الحرير الدقاقه=و احد من سيفٍ على الحق مجرود
اكتب معانيه بعرف وطلاقه=وعمر الجبل ماهزته نسمة النود
ولا الد في حيٍ بعقله طفاقه=ولا كل من مر النظر لي مطرود
الاللذي له في خفى الروح طاقه=عطاه ربه دون حاسد ومحسود
انثر على دروبه من الورد باقه=له الغلا في خافقي. ماله حدود
معطيه ربه دون منه وفاقه=اللي جعل بالكون عابد ومعبود.

الشاعره الكحيله
صح الله لسانك وعتلا شانك

اكـتــب معـانـيـه بـعــرف وطــلاقــه وعمر الجبل ماهزتـه نسمـة النـود


شاعرتنا الكحيله

صح الله لسانك ابداع كالعاده...

تواجدك له رونقه...

تقبلي اعجابي فيما تكتبين...

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنتي
وسلم فكرك وبنانك
دمتي برعاية الله وحفظة

	المشاركة الأصلية كتبت بواسطة سعد المحمدي

	الشاعره الكحيله صح الله لسانك وعتلا شانك

صح بدنك لاهنت
ولاهان مرورك
الرااقي
مستشارنا القدير

الشيك يصرف حسب رقم البطاقـه
ولاينصرف شيكٍ به الاسـم مفقـود


صح لسانك اختي الكحيله على هذه القصيدة

ودمتي بخير

صح لسانك على هذه القصيدة الجزلة

و الجزالة لاتستغرب من مصدرها

	المشاركة الأصلية كتبت بواسطة محمد هابس

	اكـتــب معـانـيـه بـعــرف وطــلاقــه وعمر الجبل ماهزتـه نسمـة النـود شاعرتنا الكحيله صح الله لسانك ابداع كالعاده... تواجدك له رونقه... تقبلي اعجابي فيما تكتبين...

صح بدنك لاهنت
ولاهان مرورك
الرااقي

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك لاهنت
ولاهان مرورك
الرااقي