البارحه جتني هواجس حلومي

.

البارحه جتني هواجس حلومي=هواجس أيامٍ مضت ما هي اليوم
من صاحبٍ قاسمته حتى هدومي=يلبس من اهدومي وأنا البس منه دوم
أقفى وأنا تحت الطلب للخصومي=طليب خصمه كل ما يرقد يقوم
متحينٍ غِرة عدوه ينومي=خصمٍ عليه سنين كم كثر الحوم
ماوده في ذبحت غريمه يحومي=سو العذاب يسوم له واللعنا كوْم
كل ما رقد خصمه يمد السهومي=وعزي لمن هو بات غارم ومحروم
محروم نومه ... في علو النجومي=ذابت ثريا مهجته سُهد وحلوم
لكن من يدري خفايا علومي=مايهتني من بعدها لذة النوم
ولا أنا .. معذور برقد وأقومي=كيف أهتني بالنوم ، غارم ومغروم
حلفت لو ماهي قويه عزومي=ماأقوم وأعوِّدْ .. ولاعوِّدْ أقوم

وسلامتكم