بيني وبين الشاعر القدير جبارة العروي

(((( ابو فارس الجريسي))))=
شاعر وقلبي رهيف احساس=ياشاعر القاف وحساسه
امشي وقلبي علية الباس=ام خبي الحزن بالباسه
اضحك وجامل بدون اقياس=وحزن الحشاء موسع اقياسه
كيف العمل ياعريب الساس=في حزن ماتوقف اجراسه
الشاعر القدير ومستشار منتديات ينبع الخل=
((((جبارة العروي))))=
نـظــرت فـالـواقـع الـحـســاس=وعمـلـت لــه بـحـث ودراســـه
لقيـت وضعـك ياعـز النـاس=كثـر الحـزن ضـيّـق انفـاسـه
مابغـاك دايـم اسـيـر الـيـاس=محـطـم الحـلـم مـــن سـاســه
خـل الأمـل مشعـل المقبـاس=لاتـطـفــى شــمــوع مـقـبـاسـه
والمؤمن اللى بحزنـه حـاس=يــخــلــى الــصــبــر نــبــراســه
ويعيش فى انس واستأناس=ويلـغـى الـحــزن مـــن راســـه