عيني بكت ودها عامين ( محاورة مع عبود )

هزيم=
عيني بكـت ودّهـا عاميـن=تسهر ليالـي علـى ذكـراه
واصل السبب ناعس الطرفين=اللـي شكينـا الـم فرقـاه
عبود=
لاوين تشكي اسى لاوين=وفراقهـا زود المـأسـاه
كان انت حدك بكاة العين=انا عليها العقل بـي تـاه
هزيم=
شوقي لها هيـض القلبيـن=تبكـي ولا ودهـا تنـسـاه
لكن معنـاي فـي حرفيـن=يا اللي تشوف الجدي والجاه
عبود=
اللي لجـا فالفـؤاد سنيـن=حرك جميع الجسد واعضاه
لـو لاه مـا للهوى تثميـن=ولا شفت منهو يجـر الاه
هزيم=
إسمع شروح الهوى والبين=وأنظر من الجور ما سوّاه
توحّـدوا ضدنـا صفيـن=عذول قلبي ومـن أهـواه
عبود=
ياليتني حاكـم الخصميـن=واحكم لكم بالذي ترضـاه
ولا اترك الوضع بين وبين=قـدام لا يعتـرف بخطـاه
هزيم=
لا تكبني أشتكي جرحين=والمجتهد ربنا يجـزاه
تبقى عليك القضية دين=والا تعينه على بلـواه
عبود=
انا معك فالقسـا والليـن=في بـر والا بحر تبـراه
واعلم ترى فالصبر ثنتين=تكسب جميله وعليها وفاه