هاذي القصيده بالمرحوم الشاعر رجاءالله المحمدي

يامل صدراً من أسراره تعنا=على عريب الجد حراً صرومي
أخبار جتنا بالحرار أفزعنا=يوم أوصلنا شنيعات العلومي
ضاق الصدر وضقت أنا يوم جنا=أسرع من اللي يطيرن العسومي
العلوم اللي بوصولهن ضيقنا=رحيلكم عنا خساره عمومي
خسارةً كبرا بعد في وطنا=فرقاك يابو علي علينا عمومي
قمنا نقول حروفهن من بدنا=لجلك من دون القبيله هجومي
مرحوم ياللي بالطواريق غنا=يابو علي ياقوي العزومي
شعرك مثل الصخر المبنى=وأنت شجيع ومن الرجال القرومي
من بعدكم ينعاف كل ذوق فنا=وحتى بعد سج القدم مع الحزومي
نطلب رب البيت وفيه استعنا=يرحمكم الله يا لاطمين الخشومي
فرقاك يابو علي خنجر طعنا=فرقاك علينا مثل ضرب السهومي
من بعدكم حتى العواطف تحنا=على سلالة اللي طيبين السلومي
لو تنلحق ركبنا على اللي يلٌحقنا=اللي ليا مشن يسبقن الغيومي
لاكن أمر الله لا جاء فوق جباله تفنا=يالله عسى فوقك وبل القدومي
يالله عساهن فوقكم يدرجنا=ندعيلكم وهذا علينا لزومي
يالله عساك بجنة الله مهنا=لعلك منت من رحمة الله امحرومي
ياللي يمك به خواطر يسرحنا=يالله يامرسي كبار الرجومي
منى الطلب وفيك ماخاب ظنا=يالله يالمعبود ياذا الرحومي
تغفر للي الأقدار عنه ابعدنا=يامجري الشمس والقمر والنجومي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

لاهنت وصح السانك

تقبل التقدير والاحترام

وفقك الله

صح بدنكم والله لايهينكم على تعطير متصحفي بمروكم العزيز على قلبي