يارب شوف الذي سواه...مع اخي الغالي القالط

ابومبارك اليوبي=
سلام مسنون في مبداه=ياراعي العرف والنوماس
مزركشه لك في مبناه=وجاعل حروفه ذهب والماس
القالط=
مثل المطر مرحبا والله = ينصاك ياطيب الاحساس
هات المثل الذي تبغاه = لعلنا نسبره من ساس
ابومبارك اليوبي=
عسى البقى يارفيع الجاه=هاك المثل قرب القرطاس
انشدك لاغاب وين القاه=القن والعرف بين الناس
القالط=
ماني معك فالذي تقراه = لاصار مثلك جويد الساس
صحيح ماهو على مجراه = لكنه الخير راسه راس
ابومبارك اليوبي=
ياصاحبي زادت الماساه=مما رأيته وزاد الباس
اواه واعيدها اواه=فالشام شوف الحريم ادّاس
القالط=
ذا شي واضح لنا فحواه = الباطني اهلك الاجناس
والروس والصين ضمن اعضاه = ياللاسف توجوه بكاس
كاس القتل الذي يهواه = ماهمهم موتة الانفاس
يارب شوف الذي سواه = زلزل كيانه بنار وماس