من وين اجيب الصبر

احتار فكري ثم ورد وصدر=يم البحور الي تجيب الجزيله
من ضيقتن بالصدر منها تعذر=حتى النسم يا خوي ياخذ بديله
ود آتسلى بالقصيد المعطر=عطر المعاني نابعات الفضيله
لكن بيا البال صاير معكر=من حالتن لو قلت ما هي قليله
من وين اجيب الصبر ثم اتصبر=الهم كايد والجهد ضاع حيله
من لاهبن بالقلب دمعي تحدر=عقب المسره اليوم نفسي عليله
كل ما مشيت فدرب بابه تسكر=كثرت دروبي ولا لقينا حصيله
ما ادري رداة الحظ ولا المقدر=ولا زمانن ما عرفنا نخيله
كني بشط الياس حلم وتكسر=وهذا الامل يا فجر طول بليله
وش قدرتي لنكان وقتي تجبر=امشي على ممشاه وابغى الجميله
لو كان فيها بالشطاره نتشطر=نحتال فيها مير ما بيه حيله
بختي كتبته والمشاعر تسطر=قصيدتن من قلب زايد غليله
وعساي بعد المر بذوق سكر=والنفس تلقى من لهبها ظليله

صح السانك يا الذيب
وبيض الله وجهك

جزله يالسيد وصح السانك وبيض الله وجهك

صح لسانك يابتال وبيض الله وجهك
على هالجزالة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله السانك


قصيدة عانقة السماء بجزالتها وأبداعها

تحياتي لك

صح لسانك ياذيبان


قصيده جزله واحساس راقي


سلمت ولاهنت

تحياتي

وفيت ولاهفيت وصح لسانك وبيض الله وجهك
قصيدة تعبر عن نفسها